2013年2月5天閃遊大阪の神戶牛 ~ 神戶鉄板ダイニング ネグローニ

Day 4 : 14-Feb-13 (Thur) 晴

雖然好眼瞓，但晨早都要撐起身浸一轉，平時D溫泉酒店晨早多數無乜人，甚至得我一個tim，但呢間兵衛向陽閣 居然都有數人浸緊，仲有D浸完準備走人，唔理咁多了，沖身後馬上浸醒自己先，唔比自己仲夢遊般

浸到飽後就去食早餐，都是以Buffet形式，經過昨晚知道Buffet種類唔算多之經驗後，今早朝食都以平常心，結果一樣選擇不算多，但總有野食是啱食，有大量溫泉蛋或荷包蛋，都ok啦

早餐至愛飲杯牛奶

食完早餐後就準備check out，要離開有馬溫泉了 ，真是有點不捨得，因為打後的行程已沒有溫泉浸了，所謂化悲憤為力量，立定要努力儲旅行基金，好讓下次可以浸多幾次

大堂等侯check out的人都唔少，很多是家族旅行，所以排check out的人唔多，但坐在Lobby的家屬就很熱鬧啊

由於我地沒有行李，所以沒有專登就時間去搭酒店的shuttle bus，自己行翻落去巴士駅，其實都算不遠，時間還有少許鬆動，我地再遊一陣才去等巴士搭去三宮

10:55(有馬溫泉) → 11:25(三宮)【有馬エクスプレス号】 (¥750)

係等候巴士時，咁啱見到兵衛向陽閣的shuttle bus，可以直接送到巴士駅，又幾方便呢

此巴士是大阪方向，但我地就揀了中途駅的三宮駅落車，原因好明顯是去食神戶牛囉 ，這是整個旅程另一個重點，在港時看了些食神戶牛的資料，最後我地棄了所有人氣店 ，選擇了一間叫神戶鉄板ダイニング ネグロー，我地第一晚在心齋橋酒店check in時，已勞煩了接待員幫我地預約定今天的時間

其實就算沒有搜集資料都無問題，係三宮都有不少食神戶牛的食店 ，我地落車後馬上去搵神戶鉄板ダイニング ネグローニ，因約了12:00，一向都不喜歡遲到的我地當然唔想做個失時的人，好彩時間尚有，正當左望右望明明應該係附近時，抬頭一望原來大廈就在面前

樓下亦放有menu

周圍都很少人很靜，上到去時由主廚直接招待，有禮地安排座位後，主廚附上menu等我地選擇叫那個set，最後我和M君同樣都揀了180g西冷套餐，呢個lunch真是食得悠閒，由於並沒有其他食客，由始至終主廚只集中serve我地，還可以細心地留意我地進食的進度來控制所有時間，不會上得太急或太慢，挺不錯呢

嘩! 可以慢慢嘆

我地第一時間都先order飲品先，我選擇了桃汁(¥400)，而M君選擇了可樂(¥300)

卓上唔少得放了些調味料，以供食客隨喜好自行使用

第一道菜來了，第一啖食落口時覺得挺好味，唔錯唔錯，疏菜等材料很新鮮

第二道菜來了，是湯也

第三道菜來了，正是開始鐵板的前奏

還有蒜片啊

第四道菜來了，是2個黃色圓形的飯團，主廚把它放在鐵板邊輕輕煎脆

第五道菜來了，主角出場喇 ... 神戶牛

由始至終重要的環節就是我地要影相，當神戶牛大大件咁放在枱上時，頓時間我地變身成為娛記記者一樣，大明星到了，擦…擦…擦…的聲音影過不停，左邊右邊，主廚早有此著，預足夠時間等我地影到滿足為止，沒有騷擾我地，可能係唔敢騷擾我地，怕咗我

雖然是叫了2個180g的set，但主廚索性來個總和，即一塊過360g ，這樣更厚更有質感

主廚把西冷邊位那些肥肉先cut出來，很香的牛油迫出來了

整個過程不論主菜是神戶牛又好，其他配菜又好，通通都有足夠時間和空間去影相，在主廚烹調中連movie都有影埋，睇黎我地仲忙過主廚 ，主廚可能心諗: 『冬姑青椒絲都影，唔係掛，你地真有趣』，無法啦，這是旅客特質之一

在主廚動手前都問了我地幾多成熟，我地要7成熟，然後便很熟手地把牠分割了

其實我會鍾意炒飯多D

第五道菜來了，已是尾聲了，甜品也

 第六道菜來了，其實是餐飲，我揀了紅茶

數年前我曾食過一次，當時只食約¥3000 lunch set，今次價錢比上貴一倍有多，份量當然很足夠，唔怕食到到喉唔到肺，由於堅決不去人氣店而另選一間來碰碰運氣，總算幸運地沒有踩地雷，雖然不能話是超級好味或用正到暈來形容，但神戶牛咁出名點都要試下，貴D豪一餐都要啦 ，我預先在網上print 了 coupon，埋單時承惠¥15,735