2013年2月5天閃遊大阪の有馬溫泉 ~ 兵衛向陽閣

Day 3 : 13-Feb-13 (Wed) 陰/晴

Lunch後就返回今晚入住的兵衛向陽閣 Check in

其實一向我倆都會選擇和室為首選，除非睇錢份上，洋室價錢吸引才揀洋室的，其實package是包晒連續4晚心齋橋的酒店，但我又好想住一晚溫泉酒店，城崎溫泉已玩日歸，唔想有馬溫泉都日歸，所以就大富貴咁自費book呢晚溫泉酒店，都幾浪費架，不過無法啦，想滿足小小要求就要犧牲一下
房間都OK，一般溫泉酒店格局，仲可以晀望有馬溫泉
房價 : ¥31900 (2人價) 1泊2食 buffet

企出露台前望到的環境

馬騮仔終於可以出來影張合照，然後佢地就休息，我地梗係拿拿臨去浸個溫泉先

M君見係酒店網上直接訂房有宿泊特典，咁就當然唔蝕底啦，有7樣special gift，其實之前都打算去六甲山，但cable car運休，所以有coupon都沒有用，服務員都有同我地講，所以都沒有比cable car coupon我地

房內亦設有免費小食，不過我都無食過，而左下角的那盒並不是房內免費小食，是宿泊特典中其中送的一樣

宿泊特典還有送¥1000 coupon，可於酒店內使用，最後M君就補多少少錢買了以下2對筷子，而家我地係香港就用它來食飯

 

酒店溫泉分3邊，呢轉我只浸了2邊，進入後都有幾個人浸緊，已有2年沒有在此類大浴場浸溫泉，急不及待下水了，心裡講出句 : 『等呢刻的時間終於到，舒服晒』，要滿足其實可以好簡單，這裡溫泉不錯，我便是很簡單浸一浸就享受這一刻的滿足

趁室內無人才快影一張，因大家都去晒露天溫泉享受中

浸過舒舒服服後，又外出買下手信，之後返回又到晚餐Buffet時刻，好耐無係日本食過Buffet，心裡總有點期望，結果有期望就會有點失望，鍾意食Buffet其中原因是鍾意自由，自己想食乜就攞乜，選擇種類多，仲有是不太習慣被服侍，所以鍾意自己來

有點失望是逛一圈後只覺得種類不算多，好彩都有三文魚，不過味道方面又不錯喎，其實此Buffet不是唔掂，講來講去只是嫌種類唔算太多，視覺不滿足而已，味覺是不錯的，我總是貪心點，有視覺+味覺就perfect

好彩有至愛的粟米湯

值得一讚是甜品，雖然蛋糕種類很少，但其他的款類又幾好味

都有飲品免費飲用

 

以下呢3片牛是每人得一份咋，又真係好好味，鐵板和牛很濃的牛香，怪不知限量，否則我地主攻呢種牛都回本有

 

食到尾聲時，肚子空位不多，只能試到部份甜品，但都弄得不錯，不太甜，心是很想繼續食甜品，可是無能為力，太飽食唔落

返房時當然已鋪好tatami

我倆都當然唔會放過浸溫泉的時間，Buffet後休息一會便去浸多轉，返房時又係宵夜時間，是之前買手信時順便買回來做宵夜，但其實都仲飽，所以薯片唯有放回行李中，結果是帶了回港才食