多多表情

2010年8月15日 星期日

2010年2月東北尋冰覓湯の旅 (戰利品)

一個又驚又喜的東北の旅已完成,銀根亦用得七七八八,亦算是我地花得最多錢的一次日遊,雖然購物量比不上N年前去北海道+東京の旅,但結果這次成本更高,只因今次的交通費是買14天全國JR Pass,同時又住了不少溫泉酒店,加起黎都唔少野,不過plan之前都預咗的,錢花得開心就值得,何況更加係講緊去日本,擋不住的誘惑,一定要豁出去

這次大合照並沒有在酒店影,因放好入喼後不想重新攞出來影,影完又要執回原形,咪搞我了,所以返港後先一次過影啦,不過原來影完之後先發覺有D影漏咗,其實今次都是我地的一貫作風,每到一個景點必會買些該區的東西做紀念,証明到此一遊呢,而且必會放上飾物櫃,閒時行埋飾物櫃望下都好開心架,以下3張戰利品大合照就集合了衣服類、食物類和精品類
 
(1) 衣服類
(2) 食物類
(3) 精品類
今次只帶了3個蘋果回港,因為帶得多太重了
當時2月份啱啱剛出了有袋附送的雜誌,係日本買屬勁平呢,點會放過呢



2010年8月12日 星期四

2010年2月東北尋冰覓湯の旅 (Day 12~最終回)

Day 12 :  23-Feb-10 (二)

以下行程發生時間由10:15至 20:30
今日已是旅程的last day,同之前的十天分別係唔洗早起身,因為朝早都無溫泉浸,所以今日成10:15先離開酒店,其實最近呢幾次同M君去日本都有一個習慣,就是會安排數小時是自由行,然後約定某個鐘數再會合,呢數小時就是各自發揮小宇宙時間,各自偷歡,呢part唔錯架,當會合時總會見到對方大袋細袋,然後又會講翻各自偷歡期間的所見所聞,呢個環節不錯也本來打算同M君一起食完食餐先分道揚鑣,點知搞來搞去都唔知食乜好,最後決定不如各自搞掂,拿拿臨各自出發啦,咪浪費咗 shopping time,我地得呢半日shopping要爭分奪秒架

M君道別後,我首先去了原宿打個轉先,10:40到達原宿,橫掂d舖頭都未開齊,我都係先醫肚,簡簡單單就食Lotteria



係原宿都有些少收穫,然後馬上轉陣地去了池袋,由於只顧行行行、睇睇睇、買買買,所以係無乜影相的,買到咁上下又攰攰地,見14:00都差不多係醫肚了,一個人食乜好呢? 左諗右諗之下,就想食我最鍾意的食物之一……就是拉麵喇,突然又想起好耐都無食過創房無敵家,一於決定食無敵家lunch
一如以往都要排一陣隊,不過係日本我絕不介意排隊,坐低後不久拉麵就送上來,糖心蛋又靚又好味,湯底算OK,同之前的水準沒有大退步,都能滿足我呢個麵怪,但總是覺得第一次食是最好味,不過呢個是一個慣性感覺,往往第一次食是最有新鮮感

食飽後就再殺去新宿,今日短短半日行咗3shopping point應該行到腳仔軟先啱,但有野睇有野買的話,雙腳係麻木架,行多多都得望下錶差不多要同M君會合了,突然又想起飛機餐的味道,咪喇!寧願自己買定野食打底好d,我就去新宿中村屋買咖喱包

我地約了係新宿 Kent Hotel等,哈! 居然我早到過M,莫非佢買大咗,不久就見到佢出現了,嘩! 點解佢咁多袋架,好似收穫豐富過我呀,今回好似輸咗比佢tim,怪不知佢遲到又面帶笑容行埋黎啦

我地將所有戰利品收好落喼之後,又係時間去機場,心情馬上跌watt,再加上好重的行李簡直攞你命此刻M君又發揮壯男精神,大部份行李由佢攞,我只係攞一個背和一個旅行袋,相比M君攞成4件野的話,佢辛苦好多,謝謝你付出的一切,抵你買多2袋野
終於到達羽田空港了,係JAL櫃位又是長長的人龍,但未埋櫃位前有幾部自助check in機,亦有位日航職員在旁協助旅客用這部機,人龍是必須經這部機才可繼續埋櫃位寄行李,即是想旅客先用自助機check in,然後在櫃位只辦寄行李手續,好似應該係快d,但可惜大部份人都唔多識用部機,所以那位日航職員忙過不停地協助旅客

順利辦好晒手續過埋關了,每次呢個過程都悶悶不樂,乜又要返港呀,係未夠鐘登機時,我地就先進行開餐,得中村屋的咖喱包又點夠呢,所以係附近睇下有咩食? 結果係無咩選擇,得一間有三文治賣,咁都要買啦,因為應該都好食過飛機餐

咬一啖食下咖喱包先,買果時已是凍冰冰,唔知係咪呢個原因,味道麻麻啫,又不值專登去食
 
由期待至實行的東北の旅,終於完滿結束了,呢次旅程令我嚐試了不少經歷,當中以M君搵翻失而復得的銀包嘅經歷最為深刻難忘,想重溫請按 『2010年2月東北尋冰覓湯の旅 (Day 2~驚恐2.5小時)』,我地就一d都唔想重溫呢類經歷,不過卻令我地更加感受到當地人的友善和純樸的性格
一個12天的旅程居然要用半年時間才完成整個遊記,應該是我寫得最慢的一次,希望無悶親各方親朋戚友

是日搜羅的蓋印

 
 
~完 ~
 
^ 多謝收看 ^
\^o^/