2013年2月5天閃遊大阪の神戶

Day 4 : 14-Feb-13 (Thur) 晴

食完一頓豐富的神戶牛作為主午餐後, 其後就是Shopping Time,而且呢個MITSUI OUTLET PARK離三宮的車程不太遠, 所以馬上起行去MITSUI OUTLET PARK了

三ノ宮 → 垂水【JR神戶線】 (Pass包)

下車後東張西望一下確認方向後便沿海方向而行，今日天氣都唔錯，而且又是情人節，不過Outlet頗為冷清，都唔怪得的，始終是平日嘛，其實今次主要想去Outlet的是我，可能近幾次都沒有逛過Outlet，而且覺得自己好像好想買下野，希望執下D MITSUI OUTLET PARK, 這裡的店舖數目算普通啦, 中規中規, 心裡希望買到幾件衫就好了, 可惜邊有咁理想, 不論款式和價錢都唔多啱心水, 結果死唔憤氣都要買2件, 唔可以2手空空架, 明明網上見有D褸都幾靚架, 佢地去咗邊, 相信可能比人擄走了, 邊輪到我入手, 反而M君就搵到啱心水又唔貴的外套, 點解男裝靚過女裝架, 太過份啊

行到另一邊，見到有agnès b，雖然覺得現在agnès b的款式不太靚，但當然都會逛個圈睇下有無荀野執下 ，好似又有喎，香港又無呢個款，隻手開始痕，話再行下諗諗先，咁就出事了，行行下諗諗下就無買，現在返港後就後悔，唉! 都是自己衰諗乜鬼，買野就是這樣，睇啱就要即刻買，否則轉頭就無件事，可能呢期少去日本掃貨，未適應都唔定

既然都無咩好收穫就走了,，繼續今日最後一個行程，正是神戶港，到達神戶駅後穿過商場便接近神戶港了，沿途商場有些店所賣的野都唔錯，我和M君反而係呢度都買到袋，係神戶港自不然是為了影埋夜景先走，所以由光影到黑，由於這裡地方都幾大，所以有足夠空間位置慢慢坐

垂水 → 神戶【JR神戶線】 (Pass包)

今晚都遇到些小情侶，靜靜地談心，多麼溫馨甜蜜，這才是好好地度過情人節嘛，當影飽夜景時都係時間搭車返回心齋橋了

返到心齋橋後已到晚餐時間，點知M君話不餓之餘仲無乜胃口，吓! 好少會係日本有此情況喎，正所謂食少餐都唔得啦，莫非神戶牛的威力咁勁，結果諗住食串燒可以彈性D，係心齋橋中見到呢間やきとりの名門 秋吉，就是但入去幫襯下啦

呢間串燒不是以每串計，是以每款計，每款是有幾串，由於M君謂口不好，所以只是叫了2款便埋單，其實另外仲有一個食咁少的原因是麻麻地好食，所以走人啦，埋單是¥1825

係咁嘅情況下，食果幾串就當晚餐邊會滿足到我，我心癢癢很想食拉麵，如旅程中未食過拉麵總是覺有點遺憾，唔想有呢個遺憾，我決定自己去食，由於時間唔早，亦唔想行得離酒店太遠，所以求其入咗呢間 まんねん 心斎橋店

無咗M君係身旁，有點不懂點麵tim，好彩牆身貼晒相，我手指指就叫了一碗普通的叉燒拉麵，售¥850

湯底可以，蔥不錯，但叉燒肥咗DD，都幾肥膩，所以最後果2塊肥肉部份食不下了，起初揀呢間拉麵是貪佢近酒店，我食完都可以自己行返酒店，但M君總是不放心，所以約定我食完之後就係店舖門口等，然後一齊去便利店買埋甜品才返酒店

除了基本甜品外，還有一盒情人節朱古力，不過沒有即時開來食，留翻返港後慢慢品嚐，又真係幾好食，在此特別嗚謝M君