酒店 : 十和田湖のホテル賑山亭
房價 : ¥20,580/和室 (2人)
資料網
‧十和田湖冬物語
‧十和田湖観光情報
‧八戶西口→十和田湖 (JR Bus)
乘車紀錄
(1) 八戶 (13:30)【JR Bus おいらせ93號】→ 十和田湖 (15:45) JR全日本Pass
以下行程發生時間由13:30至23:30
帶住成肚海鮮就準備係八戶西口搭13:30的JR bus向十和田湖進發,由於我係用JR全日本Pass,所以可以任搭JR bus,但如果你只是買JR East Pass,咁就唔包JR bus,要由八戶搭去十和田湖的話,車費¥2,600,當日巴士很準時開出,搭巴士的人並唔多,我沿途又可以睇下風景同搵周公傾計
話咁快就搭左2小時15分鐘車程就到達十和田湖,一落車就覺得有一種很舒服的感覺,根據預先print好的地圖很快就搵到賑山亭,望外表酒店不算大,但再望下附近的酒店時,原來間間都差不多
check in時職員會問定我們想幾點食晚餐,同時告知晚上酒店會有車接送住客去十和田湖會場,其實我在港時已send email 查詢有關夕食時間,email中他已建議我的晚餐時間是17:30,因為可以夾到時間睇花火,花火時間是20:00~20:10,所以我當時不需考慮就決定17:30食晚餐啦,早就早d,但為左睇花火無計啦,約好時間後就先取房,雖然房間並不大,但都清潔企埋
今日黎十和田湖其中一個目的當然是睇十和田湖冬物語 ,所以放低行李後就馬上去十和田湖會場,希望日間睇一次,然後晚飯過後又睇一次,其實晚上睇都主要為左睇花火啫,我地從酒店步行至會場途中都見到有d雪公仔,都整得唔錯架,沿途無乜人,很寧靜的感覺,可能係香港去到邊都好多人好嘈,所以係呢度特別覺得寧靜舒服架,其實會場唔算太遠,步行都可以,但晚上有酒店車送去就當然搭車呢,間中我地都會懶下架
依! 會場靜到不得了,可能係平日啦,遊客甚少,呢個環境影相至好不過,後來發覺原來d人比較鍾意晚上黎的,應該因為晚上有花火嘛,所以日間就清靜dd,會場都幾寬敞
行行下見到有個氫氣球的附件,即是呢度應該有得坐氫氣球喎,其實我都有d興趣坐架,都想玩下,但可惜又遇唔啱季節啦
呢d會場又點少得熟食區,但我地只逛一個圈並沒有買野食,因為係八戶食d海鮮仲係個肚到游緊呀,係熟食區門口見到一位好卡娃兒的小妹妹,佢面圓圓又紅卜卜,又唔怕陌生人,佢知我地影佢時,佢仲企定定比我地影,臨走時仲對住我地笑,超可愛的小妹妹
好快就行完會場 lu,我地襯仲未天黑就馬上去探下『乙女の像』,其實去『乙女の像』有2條路去到,一條係行湖邊,另一條係行類似公園徑的路,我地去時行公園徑的路,走時就沿湖邊行翻轉頭,係公園徑地下圍了一盞盞的雪燈,相信晚間會全部亮起
終於見到『乙女の像』呀,已有2位龍友set晒儀器企係到,似乎佢地係等緊一個view黎影張傑作,我估係等黃昏景掛,好彩臨走時都影左張我幾鍾意的乙女相啫,『乙女の像』望出的湖加上鋪了雪的山景真的很美麗,一個清優寧靜的地方甚能叫我不喜歡這裡的環境呢? 我地影左幾張相同埋向乙女講聲Hi就閃了,咁就向湖邊行返回酒店
不過好彩其實都有燒雞翼,還有米卷,不過我地就唔多識欣賞米通了,淡而無味,食晚餐過程中,有一位阿伯的職員周不時走過來同每枱人傾2句,阿伯略懂英語,但其實都係雞同鴨講,這餐味道一般,比想像中失色
食完晚餐後差不多時間可以搭酒店車去會場了,晚上氣氛果然熱鬧些少,因為大部份人都係等睇花火,襯未夠鐘就『例影』一翻,即是例牌影相呀
十和田湖冬物語 の日與夜
望下錶再望下側邊d人,似乎花火應該將會開始,大家都慢慢向中間位置移進,就應該係呢度發放煙花呀,呢次應該係我正式係日本第一次睇花火,感覺非常好,場面很溫馨般,身邊沒有人貼人,有大量空間,可以很舒服企係到睇,加上冷冷的天氣,清晰的夜空,一顆顆花火從高空爆開,很簡單的花火組合已是很美,最緊要唔會迫到嘔(維港煙花),而聽到是細細聲的日語句子,好有feel呢,花火約10分鐘,雖然製作不及香港果d,但反而我和M君都好鍾意睇呢d簡簡單單的花火, very good呀
睇完花火就決定再去同『乙女の像』say good night,所以沒有跟酒店車返酒店,又一次步行去乙女の像,今次見到D燈著晒lu,你都咪話唔驚驚,人影也沒有,得我同M君2人咋,雖然話有呢D微弱的雪燈,但怕黑的我行得心慌慌
其實前往途中,咁啱撞到一班日本人,他們都係想去乙女の像,居然問M君點去,佢以為我地都係日本人,當佢知我地係旅客時,大家都笑起來,不過M君都講左比佢地聽點樣去乙女の像的路,最後我地又係乙女の像相遇
當返回酒店就進行最後一項任務...浸溫泉,但呢個溫泉只得一個內湯,而且不大,一個普通過普通的內湯,對它興趣不大,所以好快浸一浸寧願返房瞓好過,似乎賑山亭的夕食+溫泉都唔太吸引到我,不過十和田湖呢個地方我都蠻喜歡
是日搜羅的蓋印