2013年2月5天閃遊大阪の奈良

Day 5 : 15-Feb-13 (Fri) 雪/雨/陰

今日第一個行程就是要補回早2天前唔夠時間去的奈良，所以原先今日各自去偷歡的時間只得半日咋，9:15快快是但搵間野食早餐先，結果選擇了食麵包

嘩! 好多選擇 ，款款都想食，但邊有可能食到咁多，平時係香港買麵包做早餐，總是揀不落手，在這裡亦一樣揀不到，不過分別就大囉 ，這裡的款式是很吸引，所以是唔知揀邊樣好才揀唔到

最後各自揀了2款麵包，M君當然是飲凍啡，我就飲牛奶，一個好味的早餐啊

自己食完早餐都要輪到鹿鹿食，馬上搭近鐵鉄去會一會鹿鹿先

10:40經過這條商店街再向前行便接近餵鹿鹿的位置了

今早天氣認真麻麻，雖然有時冬天去旅行係好想見到雪，但今日餵鹿鹿就唔多想有此情景了，時雪時雨般，影相也很不方便

終於見到第一隻鹿了，很穩重的樣子，望落牠的年紀都有翻咁上下，應該是一隻既資深而又有責任感的鹿爺 ，牠冒雨企係度郁都唔郁咁制在門口歡迎我們

可惜天氣越來越差，同圍都無乜人，同時亦無乜鹿

行入D終於見到一小群鹿鹿，你眼望我眼後，都是企在樹下，並沒有主動行過來

終於行到有鹿餅賣的地方，¥150一份，當你有意識行去買鹿餅時，鹿們便知道有人上檔了，可以開餐，不過大家都好樂意上檔的，在我倆未買鹿餅前，剛巧有數名台灣遊客正開始餵鹿，不斷有笑聲和驚叫聲出現，是因為有名台灣男遊客原來好驚D鹿 ，小鹿只是跟住佢行，他已驚到大聲呼叫 ， 他身旁的友人當然笑個不停，但這位驚鹿男又要驚又要餵，其實我見佢都驚得幾enjoy

當台灣人差不多餵完後，就輪到M君出馬了，我地計劃是先由M君餵，我就幫佢影相，我殿後才出動，到時就由M君幫我影相，同樣情況一樣，M君行埋去買時，鹿鹿已陰陰咀笑 ，你仲走得甩，鹿鹿以﹝前中後陣式﹞開始部署獵物 ，好明顯M君就是牠們的target ，嗅到他身上的鹿餅除 ，其實我都好近鹿鹿架，但牠們眼尾都唔望下我 ，梗係啦，身無鹿餅，睬我都傻 ，鹿鹿好現實呀

起初M君想慢慢餵，又可以比時間我影相，但鹿鹿點會咁諗，你慢一秒都死纏住你，用頭又撞他又頂他 ，M君避不開，圍觀的台灣人也哈哈大笑，我也是大笑的一份子，因那時見到鹿群們死纏死追住M君的情況確實很好笑 ，大家雖然互不相識，但這是一種很融合歡樂的笑聲

M君都唯有快快取多幾塊餅安慰下牠們，奈何今日天氣實不好，遊客很少，所以遊人給鹿們的糧食實不多，鹿們見有飯開仲會放過咩

當餵完鹿鹿後就搵牠們影下相啦，話晒啱啱都比過下野食喎 ，唔該比面企定定影張相好喎，結果只有呢隻肯企定幾秒咋，無法啦，搵食緊要，轉身又要睇下有無人肯上檔

雖然M君曾一度被鹿圍攻，但我地又很開心整個過程呀 ，很喜歡與動物有如此近距離的接觸，是一個很開心的行程，叫做餵過鹿鹿就算了，不再繼續行入去，看看時間都要食lunch，所以搭翻近鉄去難波