2013年2月5天閃遊大阪の返港

Day 5 : 15-Feb-13 (Fri) 陰

離開了奈良返回難波這邊其實都唔知食乜好，只是想食完就可以獨自去偷歡，最後是但入了這間自由軒食咖哩飯

午飯時間真是很多人，全店滿座，幸好我倆都即時有位，不過日本人慣性食完即走，所以就算等位都不用太久

味道普普通通啦，我還是喜歡香口的咖哩，食飽飯後就對錶進行下一項任務 ，今天已是最後一日，係最後衝刺的機會，按慣例都是各自去尋覓心頭好，我也滿心期待架，都係果句，好似好耐無買過野，好想買野好想買野好想買野呀 ))))

不過經過約3小時努力奮鬥後，唉! 戰績很唔理想， 有D太貴買唔落手，但其實主要原因是款式一般，不能令我有掃貨的感覺 ，所以最後買得好少野，睇怕都係乖乖地返回酒店等M君啦

與M君重遇後便馬上去食Dinner，食埋呢餐就要出機場返港了，都是無乜Idea之下就是但入了呢間かみなり家 心齋橋店，時間尚早，大把位

臨走時都要碰碰杯與大阪say goodbye

叫了一個炒麵，當然是炒好攞過來，而枱上的鐵板只用熱力keep住食物的溫度，不是給我們自己下廚，這也不錯，食物不會很容易凍

再來一個心齋橋名物 (店舖說的)

食完之後就返回酒店取行李出機場，每次旅程最低落的時刻 ，5天時間過得真快

到達機場後當然是去Check in，人龍不算長，很快便搞掂

由於我倆的習慣是早到機場，不喜歡時間教到很趕那種，所以係機場內周圍逛逛後都仲有時間食幾件壽司，味道就差一大截，不過都預左的

這個短時間內決定走一轉的旅程已完滿結束，今次大阪の旅最開心都是係城崎溫泉取到一番札 ，而且有馬溫泉不錯 ，只可惜只是逗留日數太少，未能浸多些溫泉，下次一定要補數 ，否則係平常生活的操勞或工作的辛勞點去減壓，癲咗點算，癲咗就唔識plan行程，後果不堪設想

食物方面好像無以往咁好味，壽司也一樣，神戶牛雖算OK，但也不覺一食難忘那種，可能帶有名氣自然對牠的要求高一點