2013年2月5天閃遊大阪の京都金閣寺‧銀閣寺

Day 2 : 12-Feb-13 (Tue) 陰

經過一晚零晨機後，昨晚當然要好好睡一覺來補充下能量，所以原先打算早點起身去京都的，但結果都是睡多一小時好D，9點才食早餐啊，光顧了LOTTERIA

馬騮兵團都好醒晨好乖乖咁等出發

今早我倆選擇了食飽飽，都是食芝士免治漢堡，而飲品就是我至愛的Vanilla奶昔

食完早餐後就開始今日觀光的目的地..... 京都

9:55 (大阪) → 10:35 (京都) 【JR京都線快速】Pass包

轉眼間約半小時的車程便到達京都了

第一件事就是要去買翻張市バス専用一日乗車券カード，售價¥500，十分方便於京都內觀光

購買時咭上是沒有印上日期的，但當落車時便要把乘車劵放入咭機，那時便印上當日的日期，這咭便於當日使用

係駅附近的麵包店見到一款造型很有趣的麵包，果然有心思，蛇年出蛇包

蛇王就有我份，蛇包就無買了，最後M君只是口痕買了一個炸咖哩包

第一個Target的觀光點便是金閣寺，約11點便上了巴士，下車時間約11:50，車程都唔近喎

京都 → 金閣寺 【市バス専用一日乗車券カード】

下車後便向金閣寺方面前進

 

約行10分鐘才到售買入寺費處，呢刻去金閣寺的人流一般，不算人山人海，相信清水寺就可能有天壤之別

入寺料金 : ¥400 大人
時間 : 9:00 ~ 17:00 【詳情請看官方網址】

而那張入寺劵是一張護符般，對個人來講頗有紀念性

沿途一入去不久便見到金光燦爛的寺，取其名一睇就知是金閣寺，其實我數年前已來過金閣寺，不過當時是同好友來的，所以我好偉大地陪M君再來多一次啦(又要提翻我獨自去偷歡tim)

馬騮仔(大佬) : 我都未來過架，我就代表馬騮兵團影張到此一遊相

再近距離D從另一面影的金閣寺，一樣好金

 

影完一輪相後係時侯飲D野補補水先，我總是愛飲粟米湯

約13:00便離開金閣寺 了

途中見到有雪糕食喎，起初都諗下食唔食好，但好彩最終決定食咋，因在這個閃遊大阪の旅只係食咗呢杯綠茶雪糕，真係少得緊要，一反常態，如果那刻猶疑唔食的話，咁就一定後悔做乜唔食

繼金閣寺後，第2站就是銀閣寺
金閣寺 → 銀閣寺 【市バス専用一日乗車券カード】

約2時便到達銀閣寺駅，同樣落車後要行一段路才到銀閣寺，本應是lunch time，但奈何遊覽時間比預期遲咗，都是自己瞓晏咗而遲咗去遊覽京都所致，所以無得食飯住，等去完銀閣寺 先醫肚，但途中見有串燒食都殺住先啦，小小地一人一串

售價只是¥100一串，雖然職員把2串雞肉放在炭網上加熱，但可惜加熱時間不足，不過我倆都很快把稍凍的串燒吞下肚

14:15終於到達銀閣寺售買入寺費處，入寺劵同樣是一張護符，但入寺費居然貴過金閣寺，乜金唔係貴D咩

入寺料金 : ¥500 大人
時間 : 9:00 ~ 16:30 (冬季) 【詳情請看官方網址】

 

銀閣寺我就真是第一次來，雖然可以很近距離影它，但例影位當然是唔容易有空位，所以從另一邊影影吧了

 

由於還要打算去衹園，所以便急急腳按指示行一圈

 

行到更高處望落去的銀閣寺，好像比近距離還特別丁多，而論可觀性金閣寺比銀閣寺好像略勝一籌

約14:40便離開銀閣寺了

 

途中見到有間泡芙店まつばや，被吸引停下來買野食lu

馬騮兵團話焗係袋咁耐，聞到香味仲唔拿拿臨走出來咩

我倆分別買了一個原味和一個芝士味，售價每個¥300，都幾足料，好味

 

約15:20便搭巴士前往衹園，目的是食lunch 和順道一逛而已銀閣寺 → 衹園【市バス専用一日乗車券カード】

衹園呀‧‧‧‧‧午餐呀‧‧‧‧‧‧個肚快咕咕咕聲