2013年2月5天閃遊大阪の有馬溫泉

Day 3 : 13-Feb-13 (Wed) 陰/晴
由於今早需係大阪駅搭有馬エクスプレス号(巴士)去有馬溫泉，咁又想早點到大阪駅搵下乘車處，所以一早8:00已經食早餐，依舊是去LOTTERIA食個早餐先

 

我倆到達大阪後很順利容易就搵到乘車處，班次一目了然，稍後便於⑦號侯車處上車，由於我地之前已係JR綠色窗口預早買定車票，所以一定有位啦，不需現場才買，見還有時間，周圍逛下啦，不過可惜太早了，無咩野睇，那麼乖乖地返回侯車處等上車吧!

 

 

巴士終於到達了，我地把車票給了司機叔叔就隨即按指定編號坐底，M君突然想起 ... 腳架呢，因平時很少隨身帶腳架，所以一個唔留神就遺忘了它，好彩醒覺得早，腳架只是放咗係侯車處的凳上，M君馬上落車取回，如一直忘記的話就慘了，支腳架是新買的，一次都未用過，連牌也未剪

9:40(大阪) → 10:45(有馬溫泉)【有馬エクスプレス号】 (¥1330)

 

10:45 到達有馬溫泉了，天色帶少許陰，但沒有下雨已不錯

 

 

咁早又未可以check in 取房，我倆先放低背囊 keep係酒店處，然後才慢慢逛下有馬溫泉這個地方，今次一早來到目的地，時間上就好用得多，又可以慢慢行，又可以行晒自己想行的地方

呢日係有馬溫泉反而遇到大部份遊客都是香港人，普通話的聲音並不多，反而城崎溫泉就相反，接近只聽到普通話，廣東話甚至沒有咁制，有馬溫泉距離大阪並不算不遠，車資亦不算貴，絕對適合短程旅行又想浸一轉的人，而且是日本三古泉之一喎，我倆當然亦都要浸一浸啦

不經不覺左逛右逛之下見到有一店舖有神戶牛飽賣，異話不說就即買來食，橫掂明日才去神戶，暫且係到食住個飽頂住下先

有馬溫泉出名是金、銀湯，除酒店有溫泉浸之外，有興趣者都可以自費到街中呢2間金の湯和銀の湯一嚐溫泉之樂，起初我地都有諗過不如係呢度浸銀湯吖，因今晚入住的兵衛向陽閣只得金湯，但最後都取消這念頭，乖乖地只享用酒店內設有的金湯溫泉吧了

行行下又見到有足湯，不少遊人樂在其中，行到累就浸一浸確是不錯的選擇，不過見可坐的位置並唔多，我地便沒有浸了，留翻係酒店才慢慢浸啦

行極都仲有野行咁喎，時間又有，一於有咩都行去睇下，來到這間溫泉寺到此一遊，基本上都無人，又是得我倆

轉眼間又去第2處了，嘩! 長長的樓梯啊，平時極少運動的我絕對不怕，因為是係日本

今次滑滑都唔執輸要在此影相留念，到此一遊

在高少少位置影下去有點模型feel

 

都行到約12:50 ，係時候醫肚了，最後我倆就被此店的『金泉』、『銀泉』的名字吸引了去光顧，同時睇落又有牛又有天婦羅或魚生，總之喜歡種類多些啦，這店名為ありまや

M君選擇了『金泉』，基本上菜色是一樣，只是『金泉』是配魚生，M君話D魚生又唔錯喎，很新鮮

而我就揀了『銀泉』，大家叫唔同款嘛，『銀泉』是配天婦羅

牛肉的味道都ok

 

入ありまや食lunch前見有間舖排晒隊買新鮮出爐的溫泉饅頭，當我lunch後見無乜人排喎，但仍有出爐的溫泉饅頭，咁我貪心咁買一個來食，可惜不是我杯茶，好彩好細個啫

醫飽肚又觀光完，係時間夠鐘去今晚入住的兵衛向陽閣check in ...........可以浸個溫泉嘆下先