2014年北海道+東京の雪旅 (Day 4 : 十勝帶廣 / 宿 :十勝川温泉観月苑)

Day 4 : 3-Feb-14 (一) 年初四

一早起床浸一轉後就去食早餐

見盒阿寒啫喱幾得意攞黎食下先，早餐也不忘食甜品呢

今早會搭酒店提供的免費巴士去帶廣，今次旅程除了免費機票可慳一大筆之外，係交通上我也唔放過，盡用免費車，眾所周知車費不便宜，所以真是慳唔少

阿寒花ゆう香 (9:30) → 帶廣駅 (12:45)

在巴士上不可缺少的東西，飲品也

不知不覺已到達帶廣駅，時間比預期快，一講到帶廣就會想起豚丼，之前第一次食豚丼反而在釧路駅內小店，一食難忘，不過今次去釧路時發現此店已消失，既然今次來到帶廣，一定要食啦

由於打算3點幾才會搭免費巴士去十勝觀月苑，所以第一件事要放行李在Locker，但可惜係JR駅內的大Locker已Full， OMG …點算? 其實當時咁啱有pair香港人正執緊野放大Locker，起初以為是取走，可惜他們都是放行李，我就唯有企埋一邊等下有無人取走行李而騰出大Locker，而M君就去搵下有無其他地方可放行李

我見M君仲未返都知機會渺茫，我便走去搵M君睇下點，最後我與M君齊齊行回Locker處，此時那pair香港人走出來示以有人取了行李，噢! 真好彩，終於有Locker了

放好個喼後第2件事就是去巴士待合所取定免費車票，這是泊宿者限定的無料巴士，入住指定的旅館均可免費乘搭，當然取免費車票時要出示入住酒店的booking紙

我倆選擇了15:26的班次，『バス乘車劵』是落車時放入錢箱中，而到達入住酒店後，酒店職員會收回那張『宿泊施設確認用』

搞掂埋免費車票後，就開始搵豚丼來食，徒步周圍逛之後，最後都是揀了最近駅的豚丼のぶたはげ

好期待的帶廣名物啊，我揀了四牧的豚丼(¥890)，果然無令我失望，還比當年第一次食的更好味，一個字形容『得』，兩個字形容『美味』，三個字形容『大滿足』，四個字形容『我愛豚丼』，不過個人口味而已，愛吃的人自然明白

M君當然唔蝕底要6牧的豚丼(¥1160)

除了名物豚丼外，去柳月和六花亭好像是指定動作，2間都有經過，不過呢日先買柳月的產品作為今晚的宵夜，六花亭留待明日坐低才嘆件cake

可能帶有期望，但款式不算太吸引我，不過無話買唔到嘅，都係平常心好D

差不多時間巴士埋駅了，準備向十勝進發

帶廣駅北口(15:26) → 十勝觀月苑(15:57)

起初以為是旅遊巴果種，車底可放行李，但原來只是一般區間巴士，坐位不多，個喼唯有放在身旁，好彩我倆早已排定隊便有位坐，有些遲上車的人連企位都唔多空間，仲要顧埋個喼

約16:00終於到達觀月苑，Check in時順便取埋明日的免費車票返回帶廣

去咗日本咁多次，從未試過住客室付露天風呂，因為覺得貴，而且我倆都唔怕浸大浴場，但今次見價錢咁平，唔試下點得

Hotel : 十勝川温泉観月苑

Price :  ¥24,870 (2人: 1泊2食) 和室露天風呂付客室と十勝和食会席【酒店website book】

取房後例牌都鍾意外出行下，有溫泉街就更very good，可惜行了一大段路都是水靜河飛，唯有折返浸下浴把啦

約18:00開始晚餐

服務員十分有禮，招呼周到，我倆還額外叫了2支可樂

食完飽飽的晚飯後，酒店有車接送去彩凛華會場，還每人給一張遊戲紙

到達會場後便行上展望台，剛巧是有音樂有故仔講解，我當然唔知講乜野，只是趁燈光轉變時影下相，當講完故仔我便返回地面，會場內在不同位置放了一個號數的印，而每張遊戲紙要求搵的號數有別，搵齊自己果張要求的號數蓋上印，收集齊之後就去抽獎

結果抽了最大路的明信片，係A獎就好啦，係十勝溫泉粉

繼而行下其他野影下相，都無乜特別就搭回接送車返酒店

是晚宵夜當然是今日係柳月買定的甜品

係釧路買的瓜終於今晚解決埋佢

今晚有木村上電視節目，感覺上他已老了不少，不過確實他也不是青年人