2014年北海道+東京の雪旅 (Day 5 : 十勝煉瓦亭 / 六花亭)

Day 5 : 4-Feb-14 (二) 年初五

起床後第一件事先走去私人風呂望望出面大好的天氣，鳥兒也不害羞地東張西望

客室有私人風呂其中一個優點莫過於晨早起身後不用刷牙洗面即可跳進溫泉中浸一浸，幾眼瞓都醒晒

浸飽後便到食事處享用早餐

昨日check in時已問職員取定今早返回帶廣的免費乘車劵

巴士站正正在酒店前面，很方便呢;)，今早我地搭9:53的班次去帶廣

約10:24便到達帶廣站了

由於今晚會入住層雲峡朝陽リゾートホテル，所以先去購買ノースライナー号(三国峠バス) 的乘車劵

起初都有諗過去幸福駅，但巴士時間一來一回都幾趕，所以決定放棄，但係帶廣駅側的商場有個mini版的幸福駅，哈哈!估唔到咁都可以影張相，咪當去咗囉

馬騮兵團可以同我地一齊當然係一件幸福之事

今日其中一個重點係食十勝牛，就算打的都要食，其實係唔想行和搵啫，有時有D錢要花的，所以近幾年都多了在日本打的

很快便到達目的地…煉瓦亭

四周都很清靜，建築物也不多，天氣又好到不得了，心情也漂亮起來

我地真是太早到嗎? 全店得我倆吧! 其實只是未到返工的人放lunch，因稍後便陸續有人來食lunch了，好明顯全是本土人，看衣著應該個個也是上班者

我揀了ヒレステーキset (¥3300)

M君揀了西冷set 150g (¥2500)

食飽後勞煩了職員幫我地call taxi，這部taxi起標是貴過頭先果部，橫掂都係打的，當然直接搭去六花亭啦，緊接住正是甜品時間

煉瓦亭 (Taxi) → 六花亭 (¥770)

見有新登場一於試下

當然亦唔少得以下呢條卷，網上見人人都必食咁制

愛食甜品的我一次過食晒2款甜品

M君食了以下一款 + 一條卷

莫非又是帶有期望，所以反而令食物的感覺平淡咗，不過我反而遇到覺得一件很棒的事，就是當日場中有位女仕生日，她的女性朋友很有心，相信是她預早安排好為壽星女賀壽的，突然有3位店員整整齊齊排成一直線走向壽星女面前，全場還關了燈，3位店員便向壽星女唱生日歌，是英文Happy Birthday果首，3位店員分別以高中低3個key來合唱，唱得十分悅耳，我從未聽過唱生日歌可以唱得咁好聽，一種好好的演繹，很有心思的唱法，當然都要3位店員擁有美麗的聲線，當店員唱完時，全場也拍手，事後真後悔沒有拍低

十勝帶廣的行程就此完結，隨後便是向層雲峽進發……..