Day 2 : 13-Feb-10 (六)
房價 : ¥7,035/Twins room
資料網
乘車紀錄
仙台 (10:38)【新幹線こまち(Komachi)】→盛岡 (11:22) JR 全日本Pass
盛岡 (12:35) 【Bus】→ 盛岡手づくり村 (13:01) ¥570
盛岡手づくり村 (14:35)【Taxi】→ 小岩井農場 (14:43) ¥2,020
以下行程發生時間由7:00至14:43
一早起身就去浸轉溫泉先,浸完即時醒神晒,然後8:00就慢慢係松島センチュリーホテル 嘆翻個自助早餐,好開心又有牛乳飲啊(今次想唔肥就難),品嚐完豐富早餐後就搭【JR仙石線】返回仙台,然後打算搭10:38由仙台去盛岡
上車後第一時間開餐呀,卷蛋真的很鬆軟,拍得住九州由布院的質素,去過由布院食卷蛋的網友就知我的比喻了,唔知點解每次搭長少少車程的JR時,總愛買些食物或飲料在車上食的,咁樣特別有旅遊feel架
當列車到達盛岡後,我下車便向前行,留意到有2個人企在車旁中央位置指指點點,我即時靈機一觸,呀! 應該是新幹線【こまち(Komachi)】和【はやて(Hayate)】甩卡的時刻就到,我點可以放過呢,馬上停下目睹此刻,哈! 算是額外的行程啊,其實之前都知係盛岡有甩卡的環節,【こまち(Komachi)】會去秋田,【はやて(Hayate)】會去八戶,但我並無刻意諗住去睇架,點知順便睇埋tim,咁又唔驅喎, 我仲拍埋片tim,滿足晒我呢d鐵路友
今日第一個行程就係去開工,係去盛岡手づくり村整冷麵呀,於盛岡駅前⑩巴士站搭 Bus,Bus車頭寫住【鶯宿溫泉】,然後係【盛岡手づくり村前】落車,我地就搭12:35果班車,當日Bus都唔少人,不過其實去盛岡手づくり村 的人並不多
13:01便到達 盛岡手づくり村,馬上直接走去自製盛岡冷麵的體驗室,由於之前已上網予約左13:15,所以我地便直接比已確認予約的email給工作人員,職員很快就給我地每人一條圍裙,在我地未開始時,已見有一位日本女生整緊,而且已整到中段,所以我地都可以好快開工 lu
今次負責教我地的是一位女導師,十分有善,而且知我地是旅客仲間唔中自動幫我地影相tim,好了,終於到我地開始動手啊
以下圖片取自手づくり体験教室
① 冷麺の配合粉に適量の熱湯 を入れ、耳たぶ程度になるまでこ ね混ぜ合わせます。 | ② こねた粉の塊を製麺機に入 れると、細い麺が煮だった熱い 鍋に落ちてきます。 |
③ 茹であがった麺をすぐ冷たい 水で洗いしめぬめりをよくとると 半透明の麺になります | ④ よく水を切り盛り付けです。 特製煮込み牛肉スライスと ゆで卵と長ねぎとキムチと果 物を盛り付けて、特製スープ をかけます。 |
(1) 首先示以我地洗手洗手洗手
(2) 將碗上備妥的麵粉倒在大盆上,然後將麵粉攤分
(3) 加上一小杯熱水倒入大盆內,開始將粉與水混合一起
(4) 將粉團放在盆邊頂位大力推至盆中間位置,重覆又重覆,直至導師認為ok為止
(可惜呢part我參與的機會很小,不知是時間關係定佢覺得我唔夠力呢? 因見到不久就有幾個人進來,總之一開始已經係佢搓,搓到咁上下先比我搓3幾下咋 ,然後佢又攞翻黎搓,所以我參與的成份很少,其實我好想係自己搓架,M君就好啦,阿女導師掛住搓我果舊粉,M君全程都係佢自己搓)
(5) 搓好後將粉團放入機器中,一拉掣便把粉團弄成麵條
(6) 將麵條放入滾水中淥熟
(7) 然後放入冷水盆沖一陣 (即是過冷河)
(8) 撈起冷麵後要將麵盡量壓走d冰水 (呢part由導師出手)
(9) 在碗中把冷麵捲成一個圈
(我見之前網友是自己捲的,但導師又很快地幫我地捲好,莫非真是趕時間,今次連M君都無得玩)
(10) 最後就是自己放配料於冷麵上,配料份量和放位都要跟sample的
(呢度有一段搞笑插曲,就係當放指定配料時,導師又是集中睇我放,咁M君當然係主動自己放啦,點知當導師望一望M君碗麵時,馬上驚訝叫了一聲,指示肉只可放一片,果剎那我真係覺得好好笑,如果導師唔望,可能佢用d肉圍邊tim,玩創意,其實因為起初我地都唔知要跟sample擺翻d配料架,仲以為係由自己創作,點知原來有規定,M君便馬上放回那片肉,當時導師與M君的情景真是很好笑的)
整個自製冷麵過程約20分鐘便完成,而整好後當然自己品嚐翻,冷麵麵質很有咬口,味道都ok,呢餐我地就當係食lunch lu,不過講到麵呢一科,我都是偏向鍾意食熱辣辣的拉麵,雖則我覺得我不算全程體驗,但總算叫參與過,玩下都開心ge,食緊冷麵時,望見除了幾位日本人整緊麵外,接著還有些香港人,佢地真係教唔停,唔知係咪中午時間特別多人呢 玩完呢個體驗後我地四圍逛下,周圍影下相,見到軟綿綿的雪地當然不禁走出去行下,沿途就留下足跡,咁靚ge雪地點可以唔留翻個掌印記念下先,扮下名人嘛
玩完雪後就按原先計劃搭的士去小岩井農場睇雪祭,因為check過搭的士的費用約¥2,000,我覺得搭的士總好過搭回巴士再去小岩井農場,又轉接又浪費時間,而且咁搭巴士咪仲貴過我搭的士,所以打的不錯也,很好彩一出門口就有部的士泊左係度,免卻要職員幫我地叫的士了,唔洗麻煩到人
。。。。。。。。。小岩井農場の雪祭
是日搜羅的印章
沒有留言:
張貼留言