2010年2月東北尋冰覓湯の旅 (Day 1~仙台)

Day 1 : 12-Feb-10 (Fri)

乘車紀錄
(1) 仙台 (12:58)【JR仙石線快速】→ 松島海岸 (13:33)

發生時由10:35至13:33

 

 

話咁快就到仙台，第一步就先去8日後入住的 ホテルグリーンウエル (Hotel Green Well) 放低個喼，然後變身一人一個背囊(輕鬆D)，所有8日的行裝用品就通通放晒係個背囊到，而背囊中當然唔少得有2個摺得埋的shopping bag，隨時開出來放每日會增添的戰利品，個shopping bag好好用架，這樣安排總比日日拖住個喼好，因我地至怕上落車要搵位放喼，尤其是某d酒店送迎車未必大，而且還有其他旅客，總之以最簡便的方法就啱晒我地
選擇呢間酒店有2大原因，(一) 是因為平 ﹝￥6,800 Twins Room﹞，(二) 是因為佢答應可未入住先keep行李和退房後3日取回行李都得，咁就啱晒我的計劃呀，但唯一係不算好近，網頁寫徒步3分鐘，但我估至少行5-6分鐘啦 (沒有行李來計)

Keep好行李後就急不及待去醫下肚先啦，二話不說就去食牛舌，今餐就揀了去伊達の牛たんエスパル店，其實係仙台很多食牛舌的店鋪，而伊達分店亦不難搵到，很好彩去到即時有位，我當然點了極厚芯たん定食(1,890yen)，而M君就叫了極厚芯たん燒き(1,520yen) ，奇怪佢點解單叫炭燒厚牛舌，突然變得咁細食，明明話飛機餐唔好食，要係日本補數架，原來佢話主角係牛舌，剩食單品都OK了，相反我就鍾意一啖飯配一口牛舌，硬係覺得要用飯來配搭

 當一份厚燒牛舌放在眼前時，第一種味道是覺得有炭味喎，我都傻ge，如果唔係點叫炭燒啫，不經不覺厚厚的牛舌已被我消滅左……Clear，但只覺得叫ok而己，又唔覺得屬好好味果種，不過肯定一樣野就是一定好食過香港幾倍先，咁已經ok啦

 

  

食完牛舌趁仲有少許時間，我地都要好好利用去行下一間便服連鎖店『306』，當然有睇啱野啦，但我地忍住….忍忍忍，因為唔通攞住幾日咩，橫掂幾日後會返仙台，咁一於留翻果日先買啦，不過沽清與否唔敢包

 

望下錶差不多時間搭 由『仙台』去『松島海岸』，我地急步之下就順利上左JR，記得搭【JR仙石線】的入閘處係地下的，不是2/F新幹線那層，而且【JR仙石線】的車不會自動開門的，要上車的話，要等車停好後著了顯示燈，乘客就可以自行按開門掣了，其實之前係日本唔記得邊度都搭過呢類型車架，不過我當時真的都呆了一呆，心諗做乜唔開門GE，原來係自己傻下傻下咋，好彩都係傻左3秒啫，應該無人發現掛

我地上車後就坐定定等待『松島海岸』到著啊

 是日搜羅的蓋印