2014年10月掃峰の旅(Day 1 : 出發日 - 名古屋)

時間 : 2014年9月30日至10月5日(共6天)
人物 : M君 + 紅米奇
特約演員 : 馬騮仔(大佬) + 幼稚仔 + 嘟嘟
起航航班 : 香港快運UO1655【13:30 (HK) → 18:10 (中部国際空港)】
回程航班 : 香港快運UO1656【16:30 (中部国際空港) → 20:00 (HK)】
HK Express 來回淨機票 : 每位$1,840
去程行李 : 20kgs $150
回程行李 : 40kgs $300
來回劃位費 : $120 (2人)
Tax : $705 x 2

這算是一個沒有計劃的旅程，話說10月份有連休假期，只要請2日便可去6日;)，尤其是我倆一向多數是新年才出發，今次10月出發的話可以食巨峰=P~，所以心大心細之下就八掛望下D機票價錢，遇著紅日外遊都知一定唔平，不過都望下廉航HK Express啦，最後與M君商量後就試下搭廉航:-bd，不過HK Express真的好海鮮價，只要我book遲一日，就每人平$300呀:-O，但之後又貴翻喎，算啦，其他航空公司呢段紅日時間去日本都要幾仟蚊，所以都OK啦

雖然對於HK Express有不少負面評論，但我倆都以平常心，諗住一分錢一分貨，而且第一次搭HK Express有點新鮮感tim:D，結果我倆都覺得OK喎，算是好彩掛，沒有甚麼delay，與預定時間差不多，各方面都沒有問題呢，出行李又快，樣樣都順利

Day 1 : 30-Sept-14 (二)

踏入正題開始這個10月中部掃峰の旅了:x，雖然今日搭13:30，但由於第一次搭HK Express，又話最好早D到，而且橫掂都去Plaza Premium Lounge 食早餐，所以都要早早出門口搭機場巴士，今次又是第一次係T2做Check in，我倆直接係T2客運大樓落巴士，HK Express是N counter，呢邊多數是廉航

當我倆行去N counter時，我見到有行李磅喎，這又是第一次用機場的行李磅，一於check in前磅磅先;)，我係HK Express只買了2人去程20kgs行李，一磅之下得16.7kgs，即無問題啦

然後行去HK Express counter，雖然有唔同機的人一齊排同一個counter，但一D都唔算多人，這就是早到的好處

很快就辦妥手續，不過都未知登機閘口，地勤小姐話無咁早知的，叫我地留意電子牌，Boarding pass show 12:30到登機閘口，即要早一個鐘到閘口等搭接駁巴士就得，但其實接近13:00才搭接駁巴士

係T2辦妥手續後就行翻過去T1過關出境，跟住下一項任務當然是去Plaza Premium Lounge食早餐，應該話當食埋lunch:P，今次又比之前少咗dd人，唔洗排隊又有位選擇

不過同樣地款式不多

終於等到登機了，這個登機閘口離Gate 1附近的Lounge不遠，徒步便到，差不多13:00便開始安排乘客排隊上接駁巴士去登機，上咗接駁巴士後感覺上都搭了一段時間才落車，登機地方與閘口一D都唔近，所以一定要準時到登機閘口預備等上接駁巴士

落車後我馬上來個快影一張，都話新鮮感咩都想影下:D

客機不大，座位是3-3，有個好處是機唔大就乘客少，上機落機都快，最重要是連出行李都快，可以快快離開機場

由於廉航不提供飛機餐，如要食就自費買，都幾貴下:-?，我倆在Lounge已食飽飽，所以唔洗幫襯佢，同埋機上曾開咪講過一次，類似話不准進食外來食物，有需要就向機組人員購買的意思

在機上是沒有電視機仔，即沒有戲睇，只好瞓下覺，有些乘客就自備i-pad睇戲，今次還遇上我搭飛機最怕的事:-SS，坐在後面的男人全程抱住一個BB，因BB是無位的，BB不停地cry:((，BB應十分不舒服，BB都唔識講野，所以全程嘈不停，又不停地踼我椅背，我可以點呢?只想快快落機啦，我從未試過接近全程被踢椅背，我又點瞓呢，其實本身航班座位闊度是OK的，不算窄，但一個大男人加一個向前抱的BB就變成窄，基本BB一伸腳就向前踢凳，唉!:-S

終於到達可以落機了，中部機場真的少人，由落機去到過關處都不算遠，只排1-2個人就過了關，行李又快出

中部国際空港(19:14)【名鉄特急】→名鉄名古屋(19:54) ¥870

到達名鉄名古屋後便行去JR名古屋駅買定明早用的北陸観光フリーきっぷ(每位¥15,430)，而Travel Agency JR Tokai Tours只是其中一個可買到Pass的地方，咁啱經過見到營業中即入去買Pass，好彩行快步，職員做埋我地後已關門

買完Pass就馬上搭車前往今晚入住的名古屋栄グリーンホテル (Nagoya Sakae Green Hotel)

名古屋【地下鉄東山線】→ 栄 ¥200

今次會係呢間酒店住3晚，分別是今晚和尾果2晚，由於今次旅程不是一早計劃，所以買到機票時才搵酒店，發覺已無乜Twins room 係呢3日同時有房，其實首選想住名古屋駅果邊，可惜無選擇唯有住栄，但栄亦沒有得點揀，我又唔會住成¥2xxxx一晚的酒店，最後都算好彩有呢間，雖然望落好像細D，但地點很方便，房間整潔，喼可於走廊位打開

Hotel : 名古屋栄グリーンホテル
Price : ¥8300 (Twins Room) 經 Jalan book

放好行李後周圍亂行搵野食醫肚，M君就決定呢間 焼肉 源's

落單電子化，不需經服務員，想order咩野食直接輸入便可

一如以往一人一杯野飲....Cheers<:-P

首先服務員放下呢舊野，我點睇都唔知係乜東東，直至食物開始來時，服務員走過來幫我地用呢舊野搽個網，啊!原來等個網有D油性

估不到豬肉又幾好食:-bd

每次我也喜愛叫腸仔=P~

這間炭火燒肉都幾好 ......yummy=P~，消費共¥4,830

專登唔叫太多野食都是因為繼續有下文:P，世界の山ちゃん當宵夜，消費共2,667

返酒店後點少得睡前甜品I-)