2014年10月掃峰の旅【Day 2 : 和倉溫泉 (宿: 和倉温泉ホテル海望 )】

Day 2 : 1-Oct-14 (三)
晨早出發目的地是和倉溫泉，趁今早天晴補翻一張酒店外觀相先

今次旅程買了這張北陸観光フリーきっぷ  (¥15,430/一人)，可連續用四天，我倆就今天開始啟用，其實我倆只用3天，好似蝕咗1日tim:-?，但計過我地玩3日的行程都有著數，所以一樣照買此Pass啦;)，而Pass其中一項規矩是包去程及回程某車種的指定席，其餘中間幾日就是自由席，所以出票時我都順便劃定來回的指定席

『名古居市內 → 自由周遊區間』這張票會係名古屋出發入閘時被收

『自由周遊區間 → 名古居市內』這張票會係最後一程搭返名古屋入閘時被收

今日就是搭特急しらさぎ3号前往和倉溫泉

而下面呢張就待高山返回名古屋才用

名古屋 (8:50) → 和倉溫泉 (12:49) 【特急しらさぎ3号】Pass

好像很久沒有坐過JR一樣，年頭去北海道基本搭酒店free shuttle bus，所以突然好懷念坐JR的感覺:x，很舒服很定啊

由於太早搭車，不花時間在外面食早餐了，都是外賣坐定定食好d

不經不覺已直達和倉溫泉了，一個很少人很寧靜的地方B-)

Book酒店時順便留message需要迎接，寫了會搭JR幾點鐘到和倉溫泉駅，起初都諗定未必會專登派車來接，因我怕酒店是有指定時間接送，不會安排個別時間的，所以都諗定唔見車就自己打的，估計都是一仟yen左右，但又一次遇上不俗的酒店呢，酒店車差不多時間就到，司機還下車主動幫我地合照，態度十分親切有禮:-bd

很快便到達和倉温泉ホテル海望

寬敞的大堂，未到check in時間都安排我地取房

門口寬闊

Hotel : 和倉温泉ホテル海望 

Price : ¥34,560 (2人和室) 經 Jalan book

對正大大的海真舒服:D

放低行李後就開始第一次不一樣的自駕遊......乜紅米奇有車牌咩??? :-? :-O

去附近的觀光協會租戰車，無錯，的而且確是戰車，是挑『戰』踏單『車』:P，服務員還差點忘了收費，我差點變了租霸:))，大大話話我好像都成十幾年無踏單車:-O，所以取車後都在觀光協會對出空地試踏一下，左搖右擺有點嚇死M君:-SS，因陣間仲要踏馬路邊喎，他擔心我能應付到嗎? 不過試踏多2個圈好像好少少，有點適應到了，當然好就一定稱不上，一於頂硬上架，要安全還車:P

 

租單車一部¥500，5:30前還車

踏到附近有食午膳地方，周圍望完後就揀咗呢間能登海鮮丼 みとね

我的午餐 : ¥1900

M君的午餐 : ¥1800

係和倉溫泉有一種¥500的劵，可有3張引換劵於指定店鋪換指定食物，我地買了一張2人share來食

第一間揀了食軟雪糕，單係呢個軟雪糕都¥380，餘下仲可以去多2間，所以張劵絕對抵用

跟住沿途周圍踏單車遊覽

目標是踏上山 ，我邊有咁嘅本事，我係推架單車上斜:))，好彩有食飯都唔算吃力，M君就可以踏單車上斜

到達lu，而家去日本都好鍾意去呢D大自然地方，雖然這裡無乜好特別，但勝在寧靜舒服，真係一個人都無

紅葉呀‧紅葉呀，見到喇<:-P，從未係紅葉季節遊日，影影影:D

吓!:-O 就係得呢一小棵，係咁圍住呢棵影，好彩無人咋，咪笑死人咯;;)，別人會諗有咩好影，當然我地根本未踏入紅葉期

落山後係時候補充水份，亦係時候要返回觀光協會還車了，5點鐘終於安全還車:D

觀光協會離酒店不遠，行翻酒店浸個溫泉後便差不多可以部屋食晚餐，專登揀這個plan是有黑毛和牛、鮑魚和蟹

可樂是自行買的，一個晚餐飲下可樂即時爽晒;)

今天是10月1日，亦是國慶，亦是今年香港發生一件大事，係日本電視新聞中都有簡短報導

今日亦在和倉買了第一份巨峰，而還利用餘下2張引換劵買了巴夫和布丁

今天歷史性係日本踏單車後，所以睡前要浸一浸補翻下先得