2010年2月東北尋冰覓湯の旅(Day 1~東京到著)

時間 : 2010年2月12日至 2月23日
人物 : M 君 + 紅米奇
地點 : 宮城縣 (仙台、松島)
           岩手縣 (盛岡手づくり村、盛岡東家、小岩井雪祭)
           青森縣 (八戶、十和田湖冬の物語、青森、弘前、黃金崎『不老不死溫泉』)

           秋田縣 (角館、乳頭溫泉)
           山形縣 (銀山溫泉、山形、山寺、藏王溫泉、米沢)

Package (包一晚新宿Kent Hotel) : $3,240+$477(Tax)+$2,150(Surcharge)+$500(轉17日票) = $6,367 (2人合共: $12,734) 『鬼叫新年期間去就要肉赤呀』

起航航班 : 日本航空 JL8730 【 01:50 (HK) → 06:30 (Haneda)】
回程航班 : 日本航空 JL8739 【20:30 (Haneda) → 00:35 (HK)】

酒店總費用 : ¥202,860 (2人)
JR 全日本Pass : 每人¥45,100 (大人14天)
Remarks : 其實以這次行程可不買全日本Pass的，因計過單買JR East Pass (4天Flexible ) + 散買票可能係平少少架，但為了方便行程有彈性改動，所以用JR全日本Pass彈性靈活得多，而且又唔差得遠就決定買JR全日本Pass啦

Day 1 : 12-Feb-10 (Fri)
今次又係一如以往搭零晨機飛羽田，由於之前係MTR換左張免費車票，所以放工返家梳洗後馬上搭MTR去東涌(免費)，然後再轉A1巴士去機場，算是一個平價方法去機場吧，到達機場後，今次同行的馬騮兵團忍不住出來影張起行照先，隨後在JAL counter亦很快做好check in

因為一心打算用AE card送來的『環亞機場貴賓侯機室』coupon，而且聽聞有不錯的食品提供，咁我仲以為可以慳翻餐，點知太令我失望，選擇和份量少得可憐，見下圖就一目了然，唯有比個藉口是太夜就係咁，不過純為飲野上網就ok 嘅，至少無料飲品係有選擇law

一睇上圖就知我地點會飽吖，唯有去大家樂補飛，可惜都係無野好食，搞到我想快d到日本的渴望加速呀……牛呀、魚生呀、海鮮呀、總之日本野食就得呀 )))))))

話咁快就上機 lu，例牌過程都係會有一個我唔多欣賞的飛機餐
，跟住就九成九瞓唔到

突然係飛機上聽到廣播話JAL出左本書仔，乘客可向空姐索取，我當然唔會執輸，雖則知本書仔應該唔會有特別，但純粹為儲而取，話晒寫住『創刊號』嘛，不過在我視線範圍內果然得我一個人取呀

隨後不經不覺原來已經到達羽田機場了，幸好過關又不需等太久，而且取行李通通都順利，7:00已經係國際航廈搭Shuttle bus去空港第１ビル ，急急步很愉快地向東京進發啊

以往多數是搭【東京モノレール】去浜松町再轉JR的，但今次試搭了【京急本線】去品川再轉JR，可能又遇著他們上班時間，多人到飛起，經過今次係品川轉JR經驗後，我倆都認為搭【東京モノレール】去浜松町轉JR是好d，所以下次唔會揀搭【京急本線】了

到達東京站唔洗問就當然係去換JR Pass先，朝住『八重洲北口』指示方向，很順利係8:20就搵到JR counter，心裡已預左要排隊同要花點時間出打後日期的指定席票，結果又很快同順利地搞掂喎，無人排隊

JR小姐又很快出晒我所要的票，所以有心想劃定指定席票的話，記緊事前要做好功夫，清楚列明給JR小姐，同時又免卻溝通唔到的情況出現啦,

以下呢張就是今次預訂指定席的紙

搞掂晒d指定席票後剛剛好趕得切搭 8:56 新幹線はやて (Hayate) 的班次由東京去仙台，一步一步走近東北呀

係喎! 當然唔少得買翻d野食上新幹線食啦，因時間不多，所以快快手就係站內的麵包店買了4個麵包和2個soup，另外點都要買支飲料上車至安樂架(指定動作一樣)，第一天的早餐就係車上搞掂lu，係日本就算食個麵包都好味過香港

久違了的新幹線終於與它相聚，印象中都有好多年無搭過新幹線，車內都設放行李位，初時在車廂內不覺得車速很快吖，但當舉起相機想影街景時就知佢其實唔慢架，短短101分鐘就由東京轉去仙台，很方便快捷呢，加上是坐零晨機到東京的配搭，對我呢D肯捱夜的人簡直係fit，在車廂中我慢慢又幻想緊仙台牛舌厚切有幾好味呢?

乘車紀錄
(1) 羽田空港第１ビル (7:29)【京急本線】→ 品川 (7:51)
(2) 品川 (7:56) 【山手線】→ 東京 (8:07)
(3) 東京(8:56)【新幹線はやて9号】→ 仙台 (10:37)