多多表情

2010年3月30日 星期二

2010年2月東北尋冰覓湯の旅 (Day 2~小岩井農場)

Day 2 : 13-Feb-10 (六)

酒店 : 東横イン盛岡駅前
房價 : ¥7,035/Twins room

資料網
盛岡 (Morioka)
小岩井農場
Taxi Site

以下行程發生時間由14:43至17:50

由於今年第43屆雪祭於26日至214日舉行,呢日順路當然來睇睇啦,由盛岡手づくり村搭的士去小岩井農場8分鐘,14:43便到達小岩井農場,場地很寬敞,邊行就邊搵下我的Target,咪就係冰屋食燒肉law:hello1:據說冰屋很受歡迎,隨時排長龍架,所以我第一時間就諗住去排定隊先,哈:laughing6:!點知去到時居然無乜人,大把冰屋等緊我呀,真好彩唔洗排長龍,又慳唔少時間,而一排排的冰屋是2邊整齊地排列


我地首先去冰屋前的食事處買食劵,有套餐和單品選擇,全屬自助式,購票後只需行3-4步去隔離取食物,很方便很近:toothy8:,當你取食物時,職員會順便比埋塊鐵板和筷子給你



同時會有人指示你的冰屋號碼,限時1小時,我地被安排35號屋呢,講真! 我地只是想嘗試下係冰屋食野的過程,所以不會over1小時的

由購票→取食物→把食物攞入冰屋的整個過程都是M君包辦,我只是做一個顧客:laughing9:,我點可以咩都唔做呢,唯有影下相啦,我都算叫有出力架




冰屋門口並不高,所以行出行入都要記得屈身呀,裡面更加唔算大,坐多幾個會好迫tim:eyepopping:,入面一d都唔算凍,地下鋪滿座墊,轉頭話咁快M君已開著火了 :hungry:,先放牛腩,可能他們怕鐵板會黐底掛,所以果d肉滿佈脂肪的,鐵板不愁無油呀:mrgreen:,更加唔會有底現象,就係呢個原因,我同M君就受傷了:jawdrop:d衫褲受傷呀,嗚……今日第2日咋,我地件羽絨同褲都被那些油彈中:omfg:,可想而知d油好勁呀,邊煮邊彈,我地拿拿臨搵野擋住先,不經不覺就玩完呢個體驗,咁又一餐 lu:laughing:
 




食完燒肉後就四周影下d冰雕和雪公仔,老實講,講靚就一定係札幌雪祭靚:laughing9:,但志在參與啦,岩手雪祭係東北區屬大型的,順道一遊不失為一個好的旅遊點,其實節目都不少架,除了冰屋、雪像和冰雕外,還有雪梯給小朋友玩,有羊館(不過我地無去)








 係指定時間還會有不同節目在台上表演,剛巧我地就遇到幾位卡通人物正開始表演,雖然我地唔知卡通名係乜,但又跳又唱已令小朋友好開心呢
 

行下行下又見到小食檔攤呀,最鬼鍾意見到這類模式的小食檔:blob3:,好似好多野食選擇一樣,而且仲可以每檔買少少都得,其實加加埋埋都唔少呢:evil4:,呢次我地就買左5樣野食

(1) 雫石牛包


(2) 炒麵 (我至愛~必食:love4:)


 (3) 前沢牛薯餅 (M君至愛薯餅 ~ 必食:love7:)

(4) 雜錦鍋

 (5) 牛串燒

 仲有好多各種小食,要食晒的話,睇怕都要分幾餐先得:laughing:

冰天雪地下食翻d暖胃食物真係正:thumbup:,難怪帳篷下的座位常滿啊,不過我地都很易搵到位坐
黎到小岩井農場點可以唔飲翻支牛乳呢,不過我只買左細支裝(¥100),雖則個人覺得牛乳味道好似同市面買果d差不多啫:scratch:,但我都係鍾意飲喎:cheers:,因為made in Japan (激死未?:laughing6:),唔洗講個樽當然比我帶左翻香港做記念

 
轉眼間天色已開始昏暗了,冰雕打了燈就更美啊,由於晚上最後一班巴士返盛岡是18:40:eyepopping:,而花火開始時間係19:30:frustrated:,那麼我地睇花火的念頭已取消,而且呢晚只是小型花火,正式花火表演已於 212日舉行了,其實在港時都好奇怪點解最遲返回盛岡的巴士會係18:40咁早,晚上都有花火等節目架,難道個個都自駕嗎 ? 怕且點都有人好似我地咁不是自駕掛,但似乎這方面安排有點奇怪吧!
 





    
雪真是落得很大,但我又覺very nice ....... yeah!!!
:wav:


雖然我地決定唔睇花火,但我地都唔打算搭巴士返盛岡,寧願搭的士去JR小岩井駅,然後轉JR去盛岡駅,其實我地只需付¥1,620的士費便可,因為我地可以利用JR全國Pass搭回JR盛岡駅嘛,只要夾啱時間係JR小岩井駅搭18:06返回盛岡就得,而且返到盛岡都是18:18,仲可以慢慢食個飯同行下夜街:laughing1:

本應以為一切很順利,以為可以早點返盛岡食飯,以為係JR小岩井只搭18:06呢班車,以為乜以為物............. 結果世事難料
:eyepopping: ................待續!!!

是日搜羅的蓋印




 

沒有留言:

張貼留言