2015年9月巡遊四國の旅 【Day 4 : 大步危、麵包超人列車(宿:德島阿波観光ホテル】

Day 4 : 29-Sept-15 (二)
取回相機後馬上行去阿波池田駅搭JR去大步危，好彩有四國鐵路周遊券，就算遇上突發事件要搭多程車都免費

阿波池田16:30 (特急南風15号) → 大步危16:48【四國鐵路周遊券】

到達大步危駅即搭的士去大步危遊覽船(Taxi費:¥740)，因如步行至大步危遊覽船都唔近，又怕錯失最後一班船

真的好彩決定搭的士，就啱啱趕得切搭最後一班船，在售票處又遇到2位熱心台灣遊客，她們叫我地快快簡單填少少資料，買票後速去乘船處，整個過程都是急急腳，費用¥1080/大人

跟住指示牌去到乘船處時是沒有其他乘客，我倆包船了，相信沒有我倆的出現，他們可以等收工:P

上船後馬上叫我倆穿上救生衣，那麼正式啟航了，船員開始時沿途講解，當然我唔知佢講乜，相信都是介紹名勝風景，或者講有關妖怪的故事都唔定，而我倆就影左右邊的風景，其實都是石，可能船員都知根本我都聽唔明，所以他講了一陣後都停了

很快便坐了約20分鐘就完成船河了，唔知係咪得我倆咁少人士都開得快些，明明說往復是30分鐘，不過總算體驗咗，各船亦正式收工

而回程我們就選擇步行回大步危駅，因沿途會經過妖怪屋敷，順便影下妖怪啦，唔知係咪有妖怪係附近，所以影響了M君忘記攞相機:P

馬騮兵團係大步危駅月台話要臨走前影翻張相留念先

Plan行程時難以夾到麵包超人列車，又咁啱只有呢程車是可以夾到行程，而搭去阿波池田只是轉車站，最終目的地德島，雖然這車程時間很短，但都好開心搭到一次
大步危18:05 (特急南風24号) → 阿波池田18:23【四國鐵路周遊券】

印象中這班列車只有2卡車身外是貼有麵包超人公仔

車一埋站踏上麵包超人指定席時又開心又奇怪，開心當然是搭到啦，奇怪是乜個車廂咁細嘅，比正常車廂細得多，而車廂內其他乘客全是日本人，都是自己一個人，得我倆是遊客

車廂內每一個角落都是麵包超人標誌，好彩一早劃定位有得坐，都幾有特色

在等侯轉車時有點肚餓，附近無咩野食，幸好還有飯團，不錯吃也

阿波池田18:50 (JR德島線) → 德島20:45【四國鐵路周遊券】

這架是普通車，座位當然唔寬，上車時人不多，但當去到唔知咩站時，大批中學生湧上車，咁夜才放學，所有車廂都滿載了，水洩不通，不過都算有秩序，只是學生哥比較愛嬉戲，算是人一多的定律吧，我倆就像被大批中學生包圍一樣，直至某站應是住宿區，他們陸續下車，終於又回復平靜了

今晚又品嚐了薯片一包

到達阿波観光ホテル後領回之前速遞的行李，然後馬上搵食

Twins Room : 原價¥18,000兩晚 , 經Jalan訂扣了積分¥2000，現只需¥16,000便可住2晚，還包Buffet早餐，房間感覺亦舒服

係焼鳥専門店 とりけん開餐，因時間都唔早了，食完就返回酒店休息，期待明日的旋渦 :D