多多表情

2010年7月20日 星期二

2010年2月東北尋冰覓湯の旅 (Day 10~銀山溫泉の夜)

Day 10 :  21-Feb-10 (日)
房價 :  ¥32,200/ 和室【經楽天book】 

資料網
大石田→銀山溫泉bus time table (但我不需搭此巴士,因瀧見舘 有免費送迎)

以下行程發生時間由17:15至11:30
返回瀧見舘 後又差不多到夕食時間,6點鐘食晚餐早就早左d,但事實上佢地的習慣又是如此,方便住客慢慢食飽飽後就可以預備20:15搭shuttle bus去溫泉街
呢晚的晚餐係自己房內食的,所以我地便靜靜等侯,當差不多到18:00時,職員逐一把餸菜送上,我地望一望個晚餐List時,都好多款喎:toothy8:


我地額外order埋野飲,黎到東北の旅尾聲了,大家碰碰杯飲翻杯吧
雖然食物份量不是大大份,但種類卻不少,見佢黎完幾樣都仍然陸續有黎:laughing:,真的越食越飽,幸好味道都ok:thumbup:


當食到18:45時,突然有位身穿和服的女士入黎,咩事呢? :scratch:她十分有禮貌的:thumbright:,坐低同我地傾下計,問下我地係邊到黎,大家用簡單英文溝通,不過我地其實有d都唔多明的:laughing6:,後來她說她是瀧見舘Master ,她正好做到以禮待人=D>,唔知她是否每間房都會同住客打招呼,或是只是外國住客呢?

當大家傾左一陣後,Master就遞出2盒禮品:shocked: 一盒比M君,另一盒比我,我地真係好開心架:blob3:,有禮物收喎:evil4:瀧見舘真係好有heart,再次令我感受到窩心的感覺:love5:,所以對瀧見舘十分有好感,服務又體貼,食住浸都不錯,只可以話唯一位置欠佳吧! 如果位於溫泉街就更完美
Master送完野比我地就離開了,我地馬上唔客氣就拆禮物,是碗呀,碗上有今年的生肖(),有禮物收是特別驚喜和開心\:D/

Master走左之後,服務員又開始新一輪攻勢:hungry:,食物又繼續來了,雖然已飽,但都唔想浪費食物,而且品嚐別人烹調的食物都是比面的一種行為:laughing9:,況且味道又ok,所以我地都遂一品嚐,只是未能碟碟清:lmao:



差不多食到最後時,食物中放了一對公仔,見好像是食得,但係又超硬喎:eyepopping:,不過又唔似係普通擺設,到最後我終於向服務員詢問,這對公仔是可以食嗎? 她立即表示可以食的,哈哈! 此刻我發揮女性最兇狠的一面,一口把公仔頭咬下來,嚇得M君有點滴汗,睇怕佢都唔敢得罪女人掛 ,其實我邊有咁兇殘,只是想試下好無食之嘛,結果得個『甜』字,所以都無繼續把公仔分屍

當接近20:15時,Lobby已有不少日本嬸嬸聚集,然後人類民族精神又出現了:dead:,呢樣野真係無分國藉架,嬸嬸們一馬當先霸位坐,原因是唔想坐拉凳的座,而我地又邊夠佢地黎呢,我和M君便要分開坐側邊單丁位,其實我地坐單丁位都無乜所謂,而另外有幾位遲上車的日本嬸嬸就要坐拉凳了,好明顯呢幾位嬸嬸的面口有點不悅:devil:

其實由 瀧見舘 坐shuttle bus落溫泉街都好快,大家到達後都紛紛開始影相了:blob7:,晚上的溫泉街不算多人,除了我地呢批瀧見舘 的住客外,其他旅館的人只有數名,不過佢地住係溫泉街的旅館當然沒有時間限制,所以咩鐘數出來活動都得啦,雪呀!總是覺得欠了一份雪景的風味,而瀧見舘 只預30分鐘給我們,真係話長唔長話短唔短,但對於龍友黎計,我覺得是不夠的,因為我不是龍友都覺得有點趕,其實仲想行耐D和慢慢影多幾張架,不過望下錶又差不多夠鐘,所以都是返回shuttle bus,否則miss左就要自己行翻上瀧見舘 架:eyepopping:


返回shuttle bus時發現日本嬸嬸全部已坐好晒了,今次單丁位只剩下一個,M君讓我坐單丁位,而佢就坐拉凳,當差不多夠20:50時,應該還有一pair日本情侶未上車,但司機再三望多幾次後,決定開車了,這pair日本情侶要自行返回瀧見舘 啊

行完溫泉街就梗係浸溫泉啦,個溫泉都唔錯呢,成身舒服晒又係開餐食宵夜了

明日就可以一嚐米沢牛有幾滋味

2 則留言: