2010年2月東北尋冰覓湯の旅 (Day 10~銀山溫泉の日)

Day 10 :  21-Feb-10 (日)

 

酒店 : 銀山溫泉瀧見舘 

房價 :  ￥32,200/ 和室【經楽天book】　

 

資料網

‧銀山温泉組合

‧伊豆こけし工房

‧大石田→銀山溫泉bus time table (但我不需搭此巴士，因瀧見舘 有免費送迎)

以下行程發生時間由14:15至17:15

終於到達銀山溫泉瀧見舘 了，成車人都係check in咪搞好耐，點知瀧見館職員安排得好好，分開2邊人辦check in手續，所以一D都等得唔耐，而且職員好細心，館內已備有日英對照的紙，方便問外國旅客有關膳食安排及進食時間等，又介紹埋風呂男女交替時間，以及晚上有車接送至溫泉街的時間，check in過程已感覺到很窩心的服務，當然仲幫我地安排埋第2朝早的shuttle bus，一開始對瀧見舘已有不錯的感覺

等我逐一講下那張日英對照紙啦

1) 晚餐時間有18:00同18:30選擇，我地揀了18:00

2) 晚餐後20:15會有shuttle bus車住客落溫泉街，逗留時間是30分鐘，然後車回旅館

3) 早餐時間7:15至9:00，我地揀了8:00

4) 早餐有和式同洋式選擇，我地揀了洋式，同時揀了食奄列

5) 風呂男女交替時間是18:30

我地被安排入住『戲水』，留意下個門口吖，都幾靚架

 

室內與一般和室設計差不多，但近窗旁果張凳就幾好坐

入到房內見到枱面擺了些小食，同平時其他溫泉旅館送的小食好唔同，睇落都好特別下，食落更加停唔到口，其中一款是炸soba，真係第一次食，好脆好香口 ，我地都鐘意食炸soba多過正常soba，以往我一向都唔會食房間附送的小食，但佢呢款令我和M君都停唔到手，2條友係到係咁食係咁食，最後差不多食完我地先肯行出房去銀山溫泉街

 

瀧見館同樣又有雪鞋免費提供，由於係瀧見館去溫泉街要行一條小路，所以為免出現跣倒的情況出現，一於又換上雪鞋啦，結果行得好穩陣呀，都唔洗就住就住行，又要向雪鞋講聲 : Thank you (多麼阿 lee 架 惰)

 

 

從瀧見館行去溫泉街途中的風景都不俗，而且呢段路的雪仲多過溫泉街喎，見到下圖的橋就知啦，呢條橋有名堂架，叫 『せことい橋』

還見到一條瀑布，從鋪滿白雪旁中湧出的水確有氣勢

由瀧見館的小路行落溫泉街約8-10分鐘，隻腳終於踏入銀山溫泉街了，感覺是......無乜雪喎，feeling差咁D呢

不過憑兩旁古式旅館組成的一條溫泉街確實有一番風味，如果鋪滿雪的話就更添美景了

呢處都有個足湯架，行得攰攰地嘆翻個足湯鬆一鬆都唔錯呢，不過我地就沒有享用了，因為只掛住影相和買紀念品

係溫泉街都見到有些旅客著上自己入住旅館的大褸外套，其實天氣真的不冷，不過睇落好有日本仔feel

大多數人去銀山溫泉都好想入住的能登屋，簡直大人氣

其實銀山溫泉中的 古山閣 係我想住的首選，只可惜幾個月前book房都話已Full，即時down down down，唯有揀第2間啦，發覺 瀧見舘 都不俗喎，所以改投宿於瀧見舘 ，既然現在親臨 古山閣 面前，點都要影翻幅相補數

沿溫泉街再向上行就見銀山莊，銀山莊同瀧見舘 一樣都不是位於溫泉街的

行行下見到有咖喱包賣，只限外賣的，我地就買了2個，可惜個包是凍冰冰，所以評分只是一般

黎到銀山溫泉當然聯想起『阿信的故事』，以下相片中的伊豆こけし工房位於銀山溫泉街，舖內有不少木公仔，一場黎到點都會幫襯下啦，其實選擇都不少，千挑萬選之下買了2個，一個￥900的阿信公仔，另外一個就重手少許，價值￥3,900，老板娘都很細心包裝得很好，以免整爛

 

相又影完，紀念品又買完，我地便徙步行翻上瀧見舘 ，途中不忘要為馬騮兵團影下相，已証到此一遊

是日搜羅的蓋印