酒店 : 不老ふ死温泉
房價 : ￥23,400/和室 (2人)
資料網
‧黄金崎不老ふ死温泉
乘車紀錄
(1) JR弘前 (09:24)【奧羽本線】→ JR川部 (09:33) 《不需轉車》JR川部 (09:40) 【五能線】→ JR深浦 (11:57) JR全日本Pass(2) JR深浦 (13:39)【五能線】→ JR艫作 (13:52)
以下行程發生時間由07:30至23:30
今早起身就見到外面天朗氣清
，同昨晚落大雪的情景簡直2個世界，雖然東橫Inn有輕食早餐提供，但我地一向都是喜歡自己到外搵野食
，不過係弘前附近行左陣都無咩心水，最後唯有去ドトールコーヒー (Doutor Coffee)
，因為M君唔多鍾意早上食甜野架，所以就算去日本咁多次都未光顧過，呢次算破天荒了
，係plan東北之旅時已立定一定要去不老ふ死温泉，因為係好多年前已聽過這個名字，淨聽個名都好特別
，不老喎
，當時已好有興趣去，可惜遲遲都未有機會去東北，所以今次既然去東北，雖則知路程遙遠
，但我一定唔會放過不老的機會
，最惡搞其實係JR班次超疏
，經左思右想之下，決定由弘前出發，為了搭早車，所以專登plan早一晚係弘前瞓，今早便可輕鬆d食埋早先上車，搭到呢班早車的話，就算去到深浦食埋個lunch都唔會太晏先到達不老ふ死温泉
乖客好少，車又比較舊式，但咁至似去不老ふ死温泉喎，要夠 old feel嘛，唔係邊顯得黄金崎不老ふ死温泉係位於偏遠的地方呀
，見到途中的風景很美，仲見到很多很多的蘋果樹呀
，但可惜只得樹枝被雪包住，雪中蘋果......係邊呀
經過某某中途駅影張黑白照先，感覺更古舊
開始越黎越接近深浦啊，沿海而行的列車，很舒服
，這就是JR五能線一大優點，只可惜夾不到時間搭觀光列車 
，欣賞不到車內表演的....津軽三味線生演奏，亦有人會黃昏時間搭五能線，一嚐車中睇日落的美景，不過我仲好，直接係不老ふ死温泉浸住溫泉睇tim，正!
開始越黎越接近深浦啊，沿海而行的列車，很舒服，這就是JR五能線一大優點，只可惜夾不到時間搭觀光列車 ，欣賞不到車內表演的....津軽三味線生演奏，亦有人會黃昏時間搭五能線，一嚐車中睇日落的美景，不過我仲好，直接係不老ふ死温泉浸住溫泉睇tim，正! 
早車由弦前去深浦需時約2小時26分鐘，已算是不長的車程了，好彩預左搭9:24呢班早車咋，去到深浦先11:57，係到食埋個 lunch
，然後先繼續搭13:39去艫作駅等不老ふ死温泉的shuttle bus
，然後先繼續搭13:39去艫作駅等不老ふ死温泉的shuttle bus 
一行出深浦駅就特別覺得心曠神怡
，人又唔多，海岸隨時與你同行，唔洗講係香港時已做好功課搵定深浦的食店，原先搵定的食店居然3間有2間都closed
，好彩仲有呢間『陽陽燒肉』
，人又唔多，海岸隨時與你同行，唔洗講係香港時已做好功課搵定深浦的食店，原先搵定的食店居然3間有2間都closed，好彩仲有呢間『陽陽燒肉』 
店內食客寥寥可數，唔好以為咁鄉下地方會比較簡陋呀，有漫畫架還有不少裝飾物，一間有特色的燒肉店呢，地方又寬敞 
嘩! 坐海景位食燒肉
，仲要咁正的View，正到痺，咁大個女係香港都唔知試過未
，仲要咁正的View，正到痺，咁大個女係香港都唔知試過未 
餐牌價錢一d都唔貴，抵食
一間似是平凡的燒肉店卻帶來不平凡的味道
，起初只係諗住填飽個肚咋，但意外驚喜往往就係咁黎，好彩專登係深浦停一停食個 lunch，唔係走寶呀
，我地分別叫左牛腩和豬腩set，加多一個單品牛腩tim
，起初只係諗住填飽個肚咋，但意外驚喜往往就係咁黎，好彩專登係深浦停一停食個 lunch，唔係走寶呀，我地分別叫左牛腩和豬腩set，加多一個單品牛腩tim 
以下碟牛腩屬2人份量的，燒好放入口時真的很意外，餐牌沒有強調是甚麼牛，但好有牛味和很香
，它的價錢又唔貴，抵抵抵!
，它的價錢又唔貴，抵抵抵!
豬腩set只叫1人份量，望落又是平平無奇的豬腩，平時燒烤都以牛為主，唔會諗過豬比牛更勝，嘩! 呢碟豬意外出奇地好食，味道還比牛出色
，最後忍唔住都要encore呢碟豬腩，正正正!
，味道還比牛出色，最後忍唔住都要encore呢碟豬腩，正正正!
位於一處偏遠人又少人的深浦駅，居然有間環境又好食物又正的食店，算是一個十分驚喜的午餐，比起其他大字標題提供xx牛，收費高昂的食店份外覺得平靚正，額外送多個海景tim，呢個 lunch十分滿意
，比起其他大字標題提供xx牛，收費高昂的食店份外覺得平靚正，額外送多個海景tim，呢個 lunch十分滿意
食個綠茶雪糕劃上完美句號
我地準時返回深浦搭13:39去艫作，事前已約好不老ふ死温泉係『艫作』迎接，講翻當時用email同不老ふ死温泉做booking時，已感受到他們的熱誠有善
，當他們得知我地起步點的路線後，還主動提出不如係深浦駅接我地，因他們都知班次超疏
，唔想我地隔成個幾鐘先搭車去艫作，所以他們不介意直接係深浦接我地，免得我地等，可想他們很細心，又會幫住客著想，我完全感謝他們的好意，不過我地反而想利用呢個幾鐘食 lunch，然後搭去『艫作』就fit晒
，當他們得知我地起步點的路線後，還主動提出不如係深浦駅接我地，因他們都知班次超疏，唔想我地隔成個幾鐘先搭車去艫作，所以他們不介意直接係深浦接我地，免得我地等，可想他們很細心，又會幫住客著想，我完全感謝他們的好意，不過我地反而想利用呢個幾鐘食 lunch，然後搭去『艫作』就fit晒
話咁快就到不老ふ死温泉，一落車同踏入 Lobby時，依! 乜原來不老ふ死温泉咁有規模架，我仲以為是小型的溫泉旅館tim，但其實好有規模條理呀，酒店絕不細，Front的枱前還提示今日的日落時間，辦手續時還表示如我地想去十二湖的話，他們可安排，真的好多謝她的建議，雖然時間尚早，但我地都是想係周圍逛逛便算，最終沒有麻煩她了
乜原來不老ふ死温泉咁有規模架，我仲以為是小型的溫泉旅館tim，但其實好有規模條理呀，酒店絕不細，Front的枱前還提示今日的日落時間，辦手續時還表示如我地想去十二湖的話，他們可安排，真的好多謝她的建議，雖然時間尚早，但我地都是想係周圍逛逛便算，最終沒有麻煩她了
房間都是一般溫泉酒店的格局，但係是對海的，走向窗前望時真是海闊天空
，當行到往露天溫泉的出入口時，門口有拖鞋供應更換的，方便大家行去露天溫泉
除了寫左日落時間外，仲有溫泉溫度呢
，點知去到時2邊溫泉一個人都無喎，哈哈! 好野!變左私人風呂，咁唔洗諗啦，我首先係女湯換衫，然後行過隔離同M君一齊浸
，不過留意所謂更衣地方很簡陋，其實只係浸溫前有少量枝架比你放個籃，你就企係露天溫泉前除晒所有野，記得要除得快呀，遇著冬天又有風真係會幾凍下架
，我聽到廣東話……一pair香港人呀
，好彩我有包先巾的，不過好出人異表的事就開始發生了，有幾趣? 就係個女仔居然企係混浴溫泉前除衫，然後一絲不掛直接落水
，吓! 姐姐仔! 你係咪搞錯左以為浸女湯或貸切風呂呢? 我同M君好明顯已浸係溫泉中喎，難度以為M君係女人咩，咁M君當然真的一點也沒有望，佢視線只向前望海，我驚佢頸梗呀，姐姐仔可否知隨時繼續可能有人浸架，雖然溫泉是金黃色，浸在水中係睇唔到身體的，但至少點都要上落水掛
，當她浸一陣後就上水走人，唔洗問當然係一絲不掛起身著衫
反而男的繼續浸，但好笑是男方一直有用毛巾遮擋
，他反而怕蝕底給我嗎? 講真，在混浴時不論男女用毛巾遮掩反而覺得是禮貌，見到姐姐仔的行為簡直打個凸，我係今次東北旅程中都浸左幾個混浴，發現反而日本女性敢浸混浴的多是嬸嬸，同埋她們都一定有包毛巾
我係混浴那邊浸了不久都上水過女湯浸下，始終覺得女湯浸得自在一點
，其實混浴和女湯只是隔離，相當接近，左邊是混浴，右邊是女湯，女湯的溫泉水同混浴一樣都是金黃色的，景觀都差不多 
，當他回頭一望時已幫他影左張溫泉浴照了
，然後我獨享女湯啊
，咁大個女第一次浸住溫泉睇日落呀
，既興奮又期待，雖然M君話佢懶得又換衫浸，佢只企係池邊睇便算，但我當然不會啦，所以我走去女湯搵個靚位浸住等日落，最搞笑就是我擺好相機於石上預備影相時，因溫泉有煙霧令鏡頭蒙了
，點算呢? 我的毛巾又是濕的，鏡頭蒙左又影唔得清
，可能我個樣好煩惱咁啦，有位日本嬸嬸向我示意用佢條毛巾，因為佢條毛巾係乾架
，Oh! 嬸嬸太好人了，即時解決左我個難題，萬分感激，唔係點影到日落呢係女湯呢邊都有不少日本人浸，而且佢地部份人都同我一樣帶埋相機影日落
，混浴那邊亦很熱鬧，因為以睇日落景觀來計，混浴果邊係睇得無遮無擋，而女湯的左邊有石牆同混沿相隔，如影相的話便要坐翻右邊多少少避開影唔到石牆，所以不單是混浴睇到日落，女湯都同樣睇到架
終於等到日落這刻，雖然這個時段不算是天朗氣清，雲層遮蓋了部份太陽
，不過不失為一次好好的體驗，總算人生第一次浸住溫泉睇日落
，而且露天溫泉同大海好像相距不遠，好大自然的溫泉，所以露天溫泉都會視乎天氣而決定開關，有時潮水漲或惡劣天氣時便會關閉露天溫泉，始終安全第一
乜d人閃得咁快ge，轉頭已走晒咁制，佢地真係只浸睇日落果幾分鐘咋，睇完即閃 ，我見到太陽與月亮交替當然馬上影低佢
睇完日落又差不多可以預備18:30食晚餐了，都是和式形式，很多海產類，尤其是魚，不過坦白講，我食到有d悶
，太寡太單調了，真係想叫佢比2片肉黎啦
，這類和式風格不是我杯茶
，又唔錯喎，內湯都有個池係金黃色泉水，而且同樣睇到海景，同樣浸得舒服啊
，返房後同浸溫泉套裝影張相先，可見毛巾已變黃色，一開始浸混浴已即時變色lu
? 露天溫泉都唔錯，內湯都唔差，梗係覺得好過浸白水溫泉，成日覺得果d似浸熱水浴多d
，總之今晚早d瞓，明早又要早d起身浸多轉，第2日晚上就轉一轉泉水色呀，要轉白色呀.........乳頭溫泉我來了
是日搜羅的蓋印
你覺唔覺啲溫泉水唔夠熱，我秋天去，海邊好大風，溫泉水只能說是暖的．
回覆刪除我冬天去, 午間和黃昏都夠熱喎, 第2朝晨早浸女湯仲熱, 成身紅晒咁制, 熱過頭tim, 似乎同你好大分別~
刪除