多多表情

2010年4月11日 星期日

2010年2月東北尋冰覓湯の旅 (Day 2~驚恐2.5小時)

Day 2 : 13-Feb-10 (六)
酒店 : 東横イン盛岡駅前
房價 : ¥7,035/Twins room

乘車紀錄
小岩井農場 (17:52) 【Taxi】→ JR小岩井 (17:58) ¥1,620
JR小岩井 (18:06)【JR田沢湖】→盛岡 (18:18) JR 全日本Pass

以下事件發生時間由17:52至21:00

一行出小井岩農場門口就見到一部Taxi,咁又免除了叫人幫我地call Taxi,由小岩井農場坐TaxiJR小岩井駅大約要6分鐘,費用是1,620


17:58到步後一望見JR小岩井駅時,就知係一個很荒蕪的駅,人都唔多個,沒有出入閘機,駅員更加唔洗講係無啦,因一早收左工,我地就斯斯然坐係度等18:06的列車,轟轟轟!!! 有車埋站呀,喂! 有野唔妥:eyepopping:M君左望右望,列車係對面方向駛入喎,應該係我地果班車呀,死火,去錯月台,我同M君的眼神已發出警號,大家一齊跑跑跑啦:sprint:,用99時速 + 劉翔跨欄步法跑上樓梯跨橋去對面月台,絕對要趕上呢班車先得,因班次很疏,所以Turbo要開盡呀,跑到上氣唔接下氣之下,啱啱好架車先開門,有個日本男仔應該目睹我地整個行為,所以佢好好人都幫我地禁一禁住對門,最後我地終於可以搭到呢班車,鬆一口氣呀
但其實呢口氣係惡夢的開始呢,當18:18到達盛岡駅準備出閘時,M君好自然摸下個銀包,他的面色一變M :『依! 我個銀包呢,唔見左ge』,我馬上叫他將全身的袋都摸下啦,他好像搜自己身一樣,M :『無呀! 死啦, 係邊度唔見呢:frustrated:,會唔會搭Taxi比錢時跌左係車內呢?』,此刻晴天霹靂:nirvana:,滿腦字疑問及恐懼,唯一好彩是passport係同銀包分開擺,至少有passport係身先,但可憐的M君當然極度down,銀包有十幾萬yen、幾佰蚊港幣、AE cardpasmoHKID,我當然都驚啦,點算呢?都唔知係邊唔見,不斷回想之前每個細節,確定唔會係Taxi,因為Taxi落車後我仲見佢放回錢入銀包,原來係外地遺失銀包真係好驚架,後來估到好大機會係JR小岩井駅跑過對面月台時跌左

我地馬上向JR駅員表示遺失了銀包,呢位A駅員十分好人:thumbright:,感受到我們的憂心,他首先帶我地去JR的案內所報告事件,但裡面果2名職員明顯因大家語言不通,有點覺得麻煩一樣,只幫我地打個電話去JR小岩井駅查問,但當然無人聽啦,我地搭車時都話係無人的JR駅,他們已收工啦,查詢當然係『無』啦:crybaby:,我地唯有表示要報警,那個好人的A駅員再帶我地去附近的警局報案,可惜連去2間警局的警員都外巡中,即係暫無警員當值:confused4:咁唯有自己再動腦筋啦,我馬上向A駅員詢問有無車再開出去JR小岩井駅,他很著緊馬上望一望時間表,係有:number1:,仲就快開出tim,一於自己馬上走一趟去搵下啦,買個希望嘛[-o<A駅員馬上跑住帶我地去月台,好讓我地趕得切上車,在此萬分感謝呢位A駅員的熱心:worship:,起碼他明白旅客唔見左銀包的心情是有幾愁吖:sad1:

係前往JR小岩井駅搵銀包的車程中,我不斷想安慰M:whisper:,因佢個樣真係好好好愁:tears:,我唔希望為此而影嚮其後10日旅程的心態呀,因為今日先係第2日咋,打後玩得唔開心就更唔抵啦:banghead:,我唯有對M君講 :『錢無左就算,最多打後咪碌card law,証件可補領,AE card可以打去報失』,話雖如此,但邊有咁易當無事發生呢,大家都愁一愁,未經歷過真係唔知會如此恐懼不安架,但我有感覺會係JR小岩井駅搵到個銀包,因為諗住果個駅少人得很,希望無人執左,所以途中已同M君商量好佢要一支箭快過其他人落車睇下見唔見,我就係細心沿途搜索終於到JR小岩井駅呀,照原定計劃進行,其實我好想見到佢走回頭笑住個樣:D,因為代表佢搵到,但結果……可惜係無發現,我地都不放棄咁地毯式搜索,連廁所都搵埋,結果無就係無,帶著失望的心情等車返回盛岡呀,要死心了,同時要馬上打長途電話翻香港AE Card hotline 通知報失左張card,由於有買旅行保險,所以一定要去警局做報失,我地為免雞同鴨講,在車上已寫定銀包內報失的東西


我地搭19:36返回盛岡駅,當19:47到達時並見不到A駅員tim,想搵佢都唔得,唯有同B駅員講,呢位B駅員好像又是覺得語言不通而覺得麻煩一樣:scratch:,都是帶回我地去案內所就即閃人,真係雞咁腳走:sad5:而案內所2位當然認得我地啦,我都不多同他講了,只表示我地要去警局報失,那麼其中一位職只好帶我地去警局
 
今次終於有警員了,JR駅員當然馬上閃人,我地向一位女警員表示遺失了『財布』,好彩M君略懂少許簡單日文,『財布』=『銀包』,所以整個報失尚叫順利完成,女警十分好人友善:thumbleft:,她也懂少許英文,另有一男警亦從旁協助,總之佢地比我地的感覺係好好人,女警員還問我如何可以聯絡我,我便將打後入住酒店的資料都全給她留底,真的希望搵到銀包時可以通知我地啦,當完成落案填報完時,我便向女警表示我需要copy,但女警說不能給我,我對她說因我要claim保險,所以需要有報案的証明,女警隨即致電查詢怎安排,此刻我和M君只好耐心等侯,心裡亦已知道搵翻的機會微乎其微:no:但見女警電話中的對話甚長,のんあいおひじょ。。。。。聽到好多日文呀,但唔多知佢講乜:scratch:,當女警收線後,她走過來在紙上寫左2個字,係『発見』:eyepopping:,吓! 『発見』:eyepopping:『発見』:eyepopping:有無睇錯呢? 『発見』呀:number1:,頓然間由地獄返回天堂呢,我地當時開心到跳起咁制:blob3:,失而復得的感覺難以形容呀,警員也鄧我地高興:toothy8:,她還叫我地坐係到等等,因銀包在另一警局,該局的警員會帶過來,實在太好了:love4:,太感謝啊:notworthy:

在等侯期間,那位男警還沖了2杯coffee比我地飲,其實我不嬲都唔飲coffee的,但今次實在唔好意思唔飲,佢地咁好人,我點都會飲,係香港廉記飲coffee就聽得多:laughing8:,估唔到我地居然會係日本警局飲coffee,不過只要搵得翻個銀包,飲呢杯coffee絕對值:hello1:
 
等了好一段時間終於見到相下『左邊』的那位男警員到了,他拿出銀包果剎那真係有點興奮不已的感覺,我地不敢奢望全部物件都存在,但結果真係一件不漏呀,警員表示是有人係JR小岩井駅執到後帶回盛岡警局,嘩! 那位好心人實太好太好太好,在此都要萬分感謝這位好心人:notworthy:,好人有好報呀,如果係香港90%都無晒D錢啦,最後臨離開警局時,一定不忘為他們拍照,謝謝你們呀
 
帶著很輕鬆的心情返回東橫INN了,當係hotel check in時,酒店職員又一輪日文,搞咩呢,都係唔知佢講咩喎:scratch:,後來有一位懂英文的職員幫口,佢係問我地是否唔見左銀包呀? 原來因為M君銀包中有東橫INN keep行李的牌,所以警員之前已向東橫INN表示當我地check in時通知我地呀,此時又見到那位男警來到酒店,他是來通知翻東橫INN,再次遇見這男警員
:love5:,當然再三向他致謝,多謝你呀! 高大威猛的神探:wave:


這次於外地遺失銀包的經歷一D都唔好受,總之係驚驚驚,好彩到最後都搵得翻,真是一千個幸運,打後我地都好小心銀包了,去到邊都會成日摸下個銀包,咁係咪恐懼後的後遺症:laughing:,這經歷一定畢生難忘

2 則留言:

  1. 嘿,我唔系黑心 >:) 只系每次睇返呢編,我就諗返自己6月嗰陣掛住蜜瓜,成個背包留咗喺JR,跟住9秒9碌返上車嘅經驗。。。真系又刺激又好笑 ,哈哈哈 ^o^

    回覆刪除
    回覆
    1. 原來都唔少人有呢D驚心動魄野, 確實好刺激, 心血少D都暈係到 ^^

      刪除