多多表情

2010年4月23日 星期五

2010年2月東北尋冰覓湯の旅 (Day 3~古牧溫泉青森屋)

Day 3 : 14-Feb-10 (日)

酒店 : 古牧温泉青森屋
房價 : ¥21,000/和室 【Jalan扣除會員積分後只需 : ¥18,900/和室 (2人)】 

乘車紀錄
(1) 中三前 (12:43)【盛岡都心循環巴士】→ 盛岡駅東口 (13:00) bus one day pass
(2) 盛岡 (13:26) 【新幹線はやて(Hayate)】→ 八戶 (14:03) JR全日本Pass
(3) 八戶 (15:03) 【特急つがる17號】→ 三沢 (15:16) JR全日本Pass

以下行程發生時間由12:43至00:00
當成功挑戰東家100碗冷麵後,我地當然第一時間退:walk:,直接前往『中三前』巴士站搭12:43右回的盛岡循環巴士返回JR盛岡駅,而下一個Target就是『古牧温泉青森屋:hello1:,據聞『古牧温泉青森屋』略有名氣,而點解揀青森屋於今晚入住呢? 其實有2大原因:
第一是青森屋距離八戶很近,只需搭15分鐘的JR車程就到,很方便我明日去八食中心大戰炭燒海鮮:laughing6:,其實青森屋設有免費送迎巴士,必須預約,很方便的,我就一時大意沒有留意它有免費送迎巴士#-o,自己走左去搭JR,事後先知有接送,不過好彩我係用JR Pass,唔係就蝕底呀


青森屋免費送迎巴士資料
13:15 JR八戸駅西口発 14:00 古牧温泉 青森屋着
11:00 古牧温泉 青森屋着→ 11:45 JR八戸駅西口着
第二是……今天是情人節呀:love5:,當然想住間好d的酒店,唔想情人節住商務酒店啊,梗係要嘆嘆溫泉,再加一餐自助晚餐,人生一大樂事也:-"順利13:00到達盛岡後就搭新幹線はやて(Hayate)去八戶


14:03當到達八戶駅時見仲有少少時間未上得特急つがる去三沢,咁咪四周逛一逛影d相,呢度大把Locker
 
到達三沢駅第一時間都係去蓋印先:toothy7:,然後就左望望右望望,究竟向左行定向右行呢:-k,但大意的我倆居然忘記影三沢駅呀:bonk:,三沢亦是一個很寧靜的JR駅,附近當然唔見有商場,人都唔多個呀,我就跟住一個人肉指南針行:imslow:,他為確保無行錯方向,於是走前向一位應該開緊工的寺廟人員詢問,一論指手劃腳後,我地就打算繼續向前走:walk:,點知又一次遇到熱情滿爆的日本人呀,他居然從寺上走下追住我地:eyepopping:,話要帶我地去到路口,他可能怕我們走錯方向,實在太好人好人了:thumbright:,其實我地已知道怎行,但他的熱情難以抵擋呢,當到路口位時我地馬上鞠躬致謝:notworthy:

前往青森屋時的風景

終於行了約15-20分鐘就黎到呢間青森屋,好似幾大幾有規模喎:D,一踏入門口,職員馬上走出來招呼我地去接待處坐低,同時每人一杯熱蘋果汁:toothy8:,連裝蘋果汁隻杯都係蘋果形架,味道當然very good:thumbup:,職員講解完設施後,我地馬上上房啦

 
房間ok,總之同基本溫泉酒店一樣,設備齊全,地方寬敞:thumbright:

 

 
房外望見的風景,很開揚很舒服
 
 
放低行李後就係酒店內四圍遊:-",沿途還見到有表演進行中,就是『津軽三味線』,每日定時有不同節目表演的,酒店地方很大,紀念品商店一定唔少得:cheers:,酒店內的燈光以暗為主,但我又頗喜歡,覺得有格調,要逗留大半天時間在酒店內絕不難,眼見人流絕不少,而且大多是叔叔和嬸嬸,似是專登來渡假一天,日本人真識享受:crazy:
 
見尚有時間,一於再出去酒店旁邊逛逛,逛完先去浸溫泉啦:D,間酒店需則人流不少,但酒店旁呢邊就一個人都無;-),呢度有個水池,周圍都鋪滿雪,睇落幾靚架
 


旁邊仲有一間教堂,今日情人節喎,反而冷清清:scratch:,不過都覺得行下呢邊幾好,因為厚厚的雪很平很滑般,有咩好處? 咪就係方便我呢d手多多的人law :laughing6:,可以係雪地上比我寫野玩下,咁又可以比我影張相留念:hello1:

 
從雪地返回酒店後,呢個時刻當然至好不過係浸翻轉溫泉啦:toothy7:,浸飽就順便食個自助餐呀,好嘆呢:-"!當入到女湯梳洗後,主攻當然係露天溫泉,溫泉設計算是有特式,一推門出露天溫泉時,有一小截直路(5-6步啦)連住圓形的溫泉,而這截直路是有溫泉架,即是整個露天溫泉就像一支波板糖一樣\:D/,女湯呢邊人數適中,但M君話男湯那邊太多人,他浸得不暢快,他覺得有點迫[-(,其實男女露天溫泉的風景是一樣,像下圖一樣,不過當然我地浸時是換上了雪景:drunken:,如紅葉季節來浸的話,以下圖為例,都一定很美,以它的收費來說,怪不知人山人海 lu
 
露天風呂「浮湯」
以下溫泉相片來自 古牧温泉青森屋 網頁



浸飽溫泉後馬上買翻支蘋果汁補充下先,呢枝蘋果汁好好飲架:thumbleft:

然後就前往今晚食Buffet的餐廳,嘩! 餐廳不細,可容納很多人,其實酒店可能成日都咁多人來,所以樣樣設施都足夠,入座率好高,可想而知今日真係有好多人入住,入座後馬上出去攞野食 lu,雖然今早挑戰完東家冷麵,但我地打後都沒有再食其他野喎,所以到晚上絕對有Power橫掃自助餐,我和M君好鍾意係日本溫泉酒店食Buffet架,講真係鍾意食Buffet多於部屋食,所以情人節呢間有Buffet食就啱晒我地

 
食物質素算ok,當中有幾款特別啱我,其中不得不提鐵板牛,又夠牛味又有肉汁,好好味,所以好明顯鐵板牛係有人龍排隊架,我都排左幾次,另外還有一個湯,大大鍋落了很多新鮮疏菜和海產一齊煮,所以甜到呢…應該加埋個『鮮』呢個字來形容,好好味的一個湯 :thumbleft:
 

 
 
 甜品種類都唔輸蝕,我至愛食甜品啊:laughing:,夠晒我揀,相反只可惜自己肚皮唔爭氣:frustrated:,邊食得到咁多種呢
 
 


 
食飽飽後,返房間稍休息一回當然是最後節目,咪就係要『例湯』:nana:,『例湯』乃是例牌浸溫泉law,基本上住親溫泉酒店瞓前的指定動作:number1:

 

 
是日搜羅的蓋印

 
其實青森屋內備有印給住客蓋的,因蓋印簿放左係房沒有跟身,自己又懶得專登返房取回簿,諗住明早先蓋印啦,點知最後因趕早上shuttle bus而沒有時間蓋印:disbelief:,天呀! 可知我幾咁鍾意蓋印留念呢:roll:,莫非要我再入住多一次

住後感想未入青森屋時已懷有好其心入住架喇,因為好似頗受日本人歡迎,而價錢一d都唔算貴喎,當入住後,除了覺得人略為多些之外,其他都ok,如以平均¥10,000一個人來計,個人覺得算是抵! 有免費送迎巴士來回八戶,有溫泉、有朝夕食放題、有節目表演等,怪不知有咁多日本人來當渡假啦 :D,比多少少錢係青森屋住好過住xx商務酒店,不過要預左可能住客比較多,我估計紅葉期間一定更加唔少人,你見佢網頁的露天溫泉相果個view都知啦,係東北呢12日所住的溫泉酒店當,青森屋原來係最平呀

沒有留言:

張貼留言