Day 3 : 11-Jun-16(六)
係掃貨前當然要醫肚食早餐,就直接係Lotta Mart的food court內解決,我是食餃子,厚皮及味道麻麻
食完就去取車,係手推車啫,可能黎親的人都大手入貨,架手推車又真係幾大架,好多零食呀,好多紫菜,好多公仔麵,好多薯片,好多好多好多
滿足完掃零食後就行返酒店放低所有戰利品,然後就去今日第二個行程,其實只是食lunch,韓國出名之一是醬油蟹,雖然膽固醇高,但人一世物一世食一次啦,這間位於新沙洞的老店,感覺應該OK掛
當日食客不多,有坐地下方式或坐凳方式的座位,我地一定揀坐凳啦,屈住對腳食很不慣
先來免費的韓式小食,除了醬油蟹外,還叫了一個蟹肉蟹膏拌飯(25000won),不過個人不太欣賞此拌飯了,很普通,都係主力食醬油蟹好過
主角出場了,我地叫了2隻(60000won),外觀不錯,充滿醬油味,怕咸的人一定覺得太濃都唔定,對我個人來說是OK
食完醬油蟹就前往新沙林蔭大道逛下,開頭都只是天陰,但越行越大雨了,所以都無乜心機行
落雨就乘機求其搵間cafe食個甜品當休息兼避雨之後又是我個人自由行時間,就是去高速巴士客運站的GOTO MALL地下街,M君當然無興趣,他自己在周邊亂逛下,我就用僅有時間盡量睇下有乜啱買
購物完後就去新論峴站食晚飯,專程來此就是食這間沙灘的珍珠
早上醬油蟹,晚上醬油蝦,嘩!太豐富了,叫了海鮮燒烤set+醬油蝦,2人set是55000won
食得很飽啊,味道亦好好,這是一餐令我覺得很豐富兼好味的晚餐,滿足晒
晚上再返去明洞逛多次,街邊小食很吸引,又忍唔住食D先,然後行回首爾的酒店了,話咁快又完成一天行程
醬油蝦都係生食的 ? 每次見啲醬油蟹咁多膏都好吸引,但我唔食生的,恐怕試唔到果份滋味
回覆刪除海鮮燒烤 set 好大盤好吸引呀 !!!
明洞份牛扒都好似好正,仲有咁多荳芽,我最 like ~
是呀, 醬油蝦都是生食的, 食醬油蟹應該都是食一次, 海鮮燒烤set真是好味, 諗起都漏口水 :P
刪除荳芽撈埋牛肉汁都好味道
食完醬油蟹個肚感覺如何?
回覆刪除(我近年都唔食得太多生嘢)
食完無事喎, 一切正常, 我本身是寒底, 所以帶咗少少調咗味的薑去食, 食完醬油蟹即食幾片, 唔知是否有幫助 XD
刪除唔食得太多即都可以食啦, 咪少食多滋味, 知足常樂 ^^