2015年9月巡遊四國の旅 【Day 6 : 德島空港、橫浜Outlet、東京駅一番街、新宿伊吹『宿 : 品川京急ＥＸイン高輪 』】

Day 6 : 1-Oct-15 (四)
係德島連住2晚，又可以食多次有雞翼的早餐了:P，食完早餐後便搭機場巴士去德島空港了:)

在站旁有自助式售票機

機場巴士與昨日去鳴門公園的巴士都是位於德島站對出，很方便
德島(9:25) 『リムジンバス』→ 徳島阿波おどり空港(9:53) ¥440

很順利09:53到達了徳島阿波おどり空港

德島空港(11:00) 『NH282』→ 羽田空港(12:15)

空港外都設有跳阿波舞的銅像，阿波舞果然係德島一大特色

國際線搭ANA唔平已絕少搭，難得可以換到ANA內陸機，真是不錯呢

臨離開四國前，德島尾站當然要係機場買一買手信

召集要登機了，開心愉快四國の旅圓滿結束，很喜歡四國風情，人間有情，尋回往日遊日時感受到當地的樸素的一面，充滿人情味，而且我一D都唔覺四國悶，景點也不錯，而最深刻是道後溫泉和金刀比羅宮

返回繁華的東京區了，因今次會由羽田返港，所以選擇了住品川
品川京急ＥＸイン高輪
Twin Room : ¥15,000 (經Jalan Book)

真係飯都唔食就衝去橫浜outlet，我倆首先分頭行事，各自選購，然後再歸隊一齊再逛，由於我倆目標清晰，所以逛outlet都不會花太多時間，買完即閃

行完outlet便去了東京駅一番街

都有收穫，原來又撞正有抽獎活動，頭獎就無我份，不過抽到小食都好過無

係時候要離開東京駅一番街了，因為要醫肚，上次諗住去新宿的伊吹試試，點知遇上休息無營業，所以今次要再到訪

位於西新宿區，上樓舖，地方不算大，我倆一進入門口即有服務員招待，知我倆是旅客後就轉由老板娘招待，因她能操一口流利英語，問我倆有無訂位，OMG! 無Tim，好彩剛有枱食完走咗，所以老板娘便安排我倆坐那張枱，原來呢間都幾多人幫襯，除了當地日本人外，現場還有台灣人光顧中

這裡很簡單只得shabu-shabu和sukiyaki 2種選擇，我倆當然是揀sukiyaki啦，當你選了那種食法就等如落了order，不久就來牛肉和疏菜盤，老板娘先用牛脂肪搽滿器皿中，然後逐一次序放好食材，我倆額外叫了飯，sukiyaki的牛配飯來食真是無比好味

Sukiyaki每位¥3400

期間久不久她就會過來看看有沒有需要她協助的地方，又會傾談一翻，十分友善，M君與老板娘交談得知原來這是一間幾十年的老舖，只是搬過營業位置，這個晚餐除了食到美味的牛外，還有親切的招待，價錢又唔貴，值得再光顧

咁好味當然唔夠喉，額外追加了一份牛(¥2700)，臨走時還送了些小禮物給我倆，這種用心經營的老店實在比已出名的食店好得多

大滿足地食完晚餐後，今日還有最後一項任務，就是係新宿站內買Pablo芝士cake，無人排隊真好

時間唔早了，特別款都sold out，不過我倆都是諗住買basic的味道，選擇了不完熟

順便又買些其他產品作為手信

今晚宵夜很豐富，有青提又有一個芝士cake，Yummy