2015年9月巡遊四國の旅 【Day 5 : 德島嗚門旋渦、渦の道、うずしお汽船】

Day 5 : 30-Sept-15 (三)
今日的早餐又幾特別，特別是有雞翼提供:D，呢間阿波観光ホテル的房間又OK，地點又近駅，連早餐都OK，價錢又不貴，如下次有機會再來德島，應該都會住翻呢間

食飽後第一站便是重點行程，目的地就是去鳴門睇旋渦，係德島駅對出就有去鳴門的巴士站，從酒店行去巴士站亦很近

巴士站旁有自助買乘車劵機，我倆當然先買票再坐定定等巴士來

我倆約10:12搭嗚門公園線①號巴士去渦の道，其實要搭船睇旋渦有2個地方選擇，一是うずしお汽船(只有普通船)，二是うずしお観潮船(有大型観潮船和小型水中観潮船)，好明顯我揀係嗚門公園下車是因為我選擇路線是先去渦の道睇旋渦，然後再行去搭うずしお汽船:D，由渦の道行去うずしお汽船約15分鐘，而渦の道與うずしお観潮船之間有一段距離，不近也，所以我了揀うずしお汽船

直接去渦の道可於嗚門公園下車
直接去うずしお汽船可於亀浦口下車
直接去うずしお観潮船（鳴門観光汽船）可於鳴門観光港下車

約11:40到達嗚門公園了，都坐了個幾鐘車，一落車就會見到福池商店，然後左手邊就好明顯有指示有條遊步道

一開始遊步道就要上樓梯:P

很快就上到去見到展望台

今日天氣真是好到不得了，天公做美啊!在此處可遠眺大橋

約11:55就行到渦の道

門口清楚展示當日之大潮時間，今日是13:30，其實出發前可於嗚門渦潮的網址先做定功課查看大潮時間，起初都計劃搭13:30之うずしお汽船，但基於又想睇阿波舞和上眉山睇夜景，要配合埋車程時間等等，所以最終決定早點來到先從高角度睇，然後再搭船，而且今日觀潮期是11:30-15:30，就係觀潮時間內睇啦

我倆買了套票(每人¥1800)，即是渦の道+うずしお汽船，散買渦の道入場劵是¥510，搭うずしお汽船是¥1550，正所謂慳得一蚊得一蚊，每人慳了¥260

約12:00正式踏入大嗚門橋，好響的隆隆聲，皆因有車在橋上層行駛中，仲以為旋渦巨浪咁大聲

真是漫漫長橋，行一大段後開始見到有些玻璃底給遊人高處觀看旋渦，好勁的旋渦就唔多，但都見到下小小旋渦是快速形成亦快速散開

 

為了夾翻巴士時間，不可逗留渦の道太耐，我倆馬上行去うずしお汽船，剛好有班船就開

12:45好彩不算太多人，最怕人迫人的，同船者多是日本人，約7成滿座，可能不是13:30大潮那一班掛:D

船內有空調，船艙其實不太大，而因人不太多我倆可佔一張長凳:D

好啦好啦! 起航了，起初都幾平靜，續漸微浪增多，大家紛紛都走出去期待與旋渦會面

開始駛近橋下時就周圍都起白泡:P，見到有旋渦時，真是要眼明手快，不容易捕捉呢，我只知自己隻手不斷按快門掣，唔理影唔影到，按咗先算，希望總有一張影到掛

雖然不是踏正大潮時間，但在天朗氣清下親身目睹旋渦的經歷已不錯

回航時大家仍不願返回船艙

此時船員一見旋渦即指示，我當然聽唔明，但見其他人一聽到船員講野就馬上向住船員手勢指的方向望，所以我也馬上照跟照望，真的看到更勁的旋渦，可惜角度唔夠高，影唔到深深的旋轉力

短短約20分鐘的旋渦の旅已完成，睇完旋渦後行去附近亀浦口巴士站搭巴士返回德島站，巴士約13:52來到，又要搭成個鐘車程了

返到德島站係時候醫肚了，就近近地係站附近的德島ラーメン 岩田家食下德島拉麵

15:35呢個時間得我地2個食客，坐在窗邊望出去很自在也

好一碗德島拉麵，很好吃啊，最鍾意夠濃味的湯底，我食味玉拉麵只售¥630，很抵食

M君食岩田屋拉麵只售¥830，同樣好味

食飽係時候去睇阿波舞順便跳下舞