多多表情

2016年4月4日 星期一

2015年9月巡遊四國の旅 【Day 4 : 祖谷の 藤橋、小便小僧、秘湯の一軒宿(日歸) 】

Day 4 : 29-Sept-15 (二)
一早先浸個溫泉,然後8:30去食早餐,都是昨晚的食事處食早餐,不過呢個鐘數食的人並不多了:)

我倆都是坐翻昨晚的枱,係早餐方面我始終都是喜歡食西式多些
今日正式開始遊蕩祖谷,第一站當然是近酒店的かずら橋(藤橋),其實ホテルかずら橋本身有專用車可載去藤橋,經向職員查詢後,今日並不會開此專車,但卻另有安排,得我倆咁少人,職員用私家車載我倆去藤橋:D,但只限去程,回程就要自己行回酒店
我倆即先放低2個背包於酒店,然後不久私家車就駛在酒店門口前了,好了!向藤橋進發
很快就到達藤橋,選擇早上去感覺希望少些人,下車後司機還很好人主動幫我倆影相,讚!
沿住指示方向好快就去到售票處
成人每位¥550,同時有指引是單方向過橋

其實去到售票處那刻不算多人,得十個八個人在橋上行緊,我倆只是慢慢影幾張相,誰不知兵團殺到來,嚇得我吖,此刻不敢不讓路,是一個長者日本團,他們浩浩盪盪操過橋,望見成條橋都係人都驚,好彩我倆又唔係趕時間,所以都是讓他們過晒先


同時間都有2位日本人想過橋,不過相信他們諗法與我倆一樣,大家都是等兵團行過晒後我地才起步
聞名不如見面,係網上已知藤橋的特徵,闊而疏的空間使人產生恐懼,但只要扶一邊粗粗的藤,心理障礙很快就消失(畏高者除外),由其是少人行橋無咁震動,其實比我想像中唔驚,話咁快邊行邊影相就過完橋了


之後影翻條橋時陸續不斷有人群來了,好彩都等到少人時間馬上過咗橋
附近還有小店,不過今早已食了燒魚做早餐,已沒興趣又食
過了藤橋後,順道有條瀑布,咁近一定必去啦


影完瀑布後,就步行回酒店取回背包及在酒店門口前搭巴士去第二個景點...小便小僧,返酒店途中見有野買就順道八一八

結果我只是買了一支硬冰冰的雪芭
天朗氣清慢步邊行邊看看大自然
返回酒店後就取回背包,然後等12:03的巴士前往呂ノ谷(小便小僧)

ホテルかずら橋前(12:03)【祖谷線バス《出合》】→ 風呂ノ谷(12:19) ¥560
正當以為一切很順利之際,往往就是有出乎意料之事發生,又一次考驗下我倆的應變能力,又或者是再一次出路遇貴人,究竟咩事呢,正是當我倆都下了車,我還影巴士的背影,可能天意要我影下作記錄,M君突然O咀話相機遺了在巴士上唔記得取,OMG!!!!!!點算好,巴士已開動走緊,都唔理得咁多自然反應是追,邊追邊揮手,希望司機倒後鏡睇到,但世事邊有咁如意,巴士越開越遠根本追不上啊

同時這刻貴人出手協助了,有3位日本人(2女1男)目睹情況,都有大聲叫希望司機聽到,不過實在有一段距離了,司機是難以察覺的,沮喪的我倆無法可施時,這3位日本人主動向我地了解,幸好其中男那位懂英語,加上紙筆形容,基本溝通無問題,他們很熱心致電巴士站職員,詳細講述何時漏在那架巴士等等資料,可惜因巴士未到站,職員無法確認,要留電話回覆,這3位日本人十分好人,為了幫我地做聯絡溝通,他們一直陪著我倆呆等巴士職員回覆,令他們浪費了差不多一個鐘的時間,他們實在好好人好友善,總之是超感激他們

在這段等候時間,唯一可做的就是影小便小僧,其實亦是在此的原因


終於等到約13:15來電通知可到阿波池田巴士總站取回相機,我倆只好搭下一班14:48的班次去阿波池田巴士總站,到達是15:43,與他們道別時當然講了多次感謝,太好人太感動啊

原本行程是12:19到達小便小僧影一陣相,然後行去有秘湯之稱的秘湯の一軒宿日歸及食午餐,再順便利用埋酒店的免費車去大步危遊覽,真係好似OK喎,點知突然殺出漏相機事件,時間上少了成個鐘,M君又唔想因他的大意而令行程不足,經商量後決定照去秘湯の一軒宿日歸及食午餐,實行快食快浸才能繼續完成任務

一去到秘湯の一軒宿櫃台時即表示浸日歸及先進行午餐,即時付上日歸每人¥1700,起初我覺得都偏貴,但諗深一層,包埋纜車落去較低位置的地方浸溫泉,仲可以免費搭酒店車出翻去大步危,只是我地一定要自費巴士去阿波池田取相機才未能享用埋免費車去大步危


然後職員帶我地去食事處,我倆在網上已一早睇定食乜,所以諗也不諗即點餐

紅米奇食天婦羅Lunch Set (¥1450)

M君食阿波牛Lunch Set (¥3000),得5片牛咋


食完飯拿拿臨去搭纜車浸溫泉,唔知係咪個人心急連等纜車都特別等得耐一樣,纜車來回一轉約10分鐘,其實我地係秘湯の一軒宿食lunch和浸溫泉並不多,預搭纜車都無咗20分鐘左右
纜車終於到了,一如所料只得我倆搭,由於時間不多,所以浸了很短時間就閃人,總叫體驗咗就算,不過個人覺得此秘湯的水溫略不夠熱
浸後馬上去酒店門口的巴士站等車

祖谷溫泉前(14:48)【祖谷線バス《出合》】→ 阿波池田BT(15:43) ¥1000

終於到達了阿波池田BT了,總叫有驚無險的取回相機,安心晒,然後可以繼續下一個景點了......大步危也:D

12 則留言:

  1. 你係放左相機係巴士上面個架?
    我就試過放左背囊係上面,落車唔記得取

    回覆刪除
    回覆
    1. M君放下背囊和相機在凳上, 落車時他只取了背包就行
      你都唔弱喎, 咁你個背囊取得翻嗎? 有無重要野?

      刪除
    2. 去到酒店搵幫手打電話去巴士公司!
      雞同鴨講後送返去酒店

      刪除
  2. 佢個賣點係泉源直出無加溫, 話夏天都可以長時間浸咁喎.
    之但係呢, 其他季節咪唔夠熱o羅.........

    回覆刪除
    回覆
    1. 我十月浸都已唔夠熱, 真係夏天才適合多些

      刪除
  3. 回覆
    1. 呢次之後, 出出入入都望清楚才行:P

      刪除
  4. 我剛回來,這次旅程兩度遺下手錶,好在也尋回,算夠運.

    回覆刪除
  5. 網誌管理員已經移除這則留言。

    回覆刪除
  6. 哩間搭落去浸溫泉既酒店有免費車去大步危哦? 是要隨便預約的嗎?官網找不到呢

    回覆刪除
    回覆
    1. 我當年是有預約免費車的
      https://www.iyaonsen.co.jp/access/
      或者可在以下位置問問
      https://www.iyaonsen.co.jp/contact/

      刪除