多多表情

2015年8月18日 星期二

2015年7月台北為食の旅 (Day 2 : 中正紀念堂、永康街、淡水、師大夜市 )

Day 2 : 2015年7月2日(四)
目的地 : 中正紀念堂、永康街、淡水、師大夜市

今天一早又是觀光又是搵食,在網上搜尋到一間位於中正紀念堂站附近食魯肉飯評價不錯的『金峰』,橫掂都會去中正紀念堂,所以直接先去金峰食魯肉飯當早餐

今天又開始搵食了<:-P
第一站 : 金峰魯肉飯
我倆叫了一人一碗小的魯肉飯和一碗鐤邊趖,魯肉飯果然好味=D>,肉汁夠香,配飯一流,而鐤邊趖其實我不懂是甚麼東西,不過見佢係招牌貨就試試,都OK,但始終是魯肉飯勝:-bd

食完早餐後即行去第一個景點...中正紀念堂,今早天氣不錯,與距離換兵時間還有大半個鐘,足夠時間隨拍


可惜自由廣場維修中8->
在外圍影完相後便行入室內,佩服他企一個鐘郁都唔郁,任人影又一滴汗都無,我都是企係到啫,但我久不久都要抹汗,他的抗熱及耐力一流=D>

當差不多接近換兵時,職員會劃出位置待他們進行交接儀式,每隔一個鐘會換一次
預備出場了


看完換兵後便行回中正紀念堂捷運站,而南門市場又十分近,所以順道逛一逛


下一站是永康街,以食為主:))
第二站 : 鼎泰豐
門口好多人下喎,都係攞張飛先,職員很有禮貌,亦給我倆一張點菜紙,可利用等位時間揀定食乜,其實我地只為小籠包而來,話晒鼎泰豐有名嘛,初來台灣都要試下嘅,我地很快就揀了小籠包和蟹粉小籠包,職員過來收紙又和我倆交談一番,給我的感覺十分友善又有禮貌,雖然她們應該每日接觸過百以上食客,但那份笑容和專業服務的態度一點也沒有馬虎,令我留下不錯的感覺=D>
只是等了15分鐘就有位了,入座後服務員還提醒蟹粉小籠包比較濃味,如不合口味可通知她換,嘩!咁好服務,未食都要加分啦,不過當食落口時一點也不覺濃味
普通小籠包就真是很普通,老實說: 2款都很普通,反而令我讚的是整個服務水準,服務遠勝於小籠包:))
第三站 : 永康牛肉麵
本應諗住食老張牛肉麵,但又想食紅燒牛肉麵,所以轉去了永康牛肉麵,我食細牛筋麵,M君食細牛肉麵,雖然是食細,但其實是香港正常份量,我倆都覺得不錯吃,勝於昨晚西門町的牛店


第四站 : 芒果皇帝
係東門站貼滿思慕昔的廣告,簡直潮流大熱,但我倆偏偏要去芒果皇帝,皆因出發時得知芒果皇帝在外國某某選舉中取得第三位,頭2位是位於台南
見思慕昔人山人海,幸好芒果皇帝不算多人,可舒舒服服慢慢品嚐又唔需要趕住走,果然好味道
另一個當然叫另一口味 ,士多啤梨都OK,不過我都是愛芒果多一些:x
係時間搭捷運去淡水觀光下了,幼稚仔話係日本搭鐵路就搭得多,係台灣一樣搭得舒服,因捷運好易搭又唔算人多,可能我地搭的鐘數都是非上落班時間
到了第二個觀光點...淡水
一條很熱鬧的商店街
第五站 : 芭樂汁
因之前東西還未消化好,大熱天時飲品是不錯選擇

係碼頭有幾間船檔,這間是50元,比起前面船檔平10元,但同樣是搭有冷氣船,雖然每人只是平10元不是大數目,但有得平梗係搭呢檔啦:D

終於等到船到了

起航後船員會告知可留在冷氣座位,亦可以外出拍照,我就影完幾張相都返回座位了
一落船就望到條橋,我倆慢慢行過去;;)

天色陰暗又有雲,起初安排黃昏時份可以影日落,可惜影不到了:-?


因已無船搭返捷運站,所以逛完後便乘26號巴士返回淡水捷運站,其實搭巴士仲順路,唔洗行返轉頭去搭船,不過呢位司機駕車技巧唔多掂:-?,很chok,係架車好chok,唔係司機chok:P,坐得不太舒服,講起搭巴士的問題,又要讚下日本司機真是一流,接近未試過坐得唔舒服的

晚餐亦選擇去夜市掃街,今晚揀了去師大夜市,師大夜市並不像饒河咁近捷運站,係台電大樓站下車還要行一段路才到
第六站 : 許記生煎包
網上評價甚高的生煎包,而我又甚喜歡食這類包點,可惜不是想像中的味道,很細隻和味道不突出
第六站 : 雞房重地
M君是十分喜歡食雞的,所以我專登揀去師大夜市食這鹹水雞,諗住啱晒他口味,哎呀!結果味道與質感都一般,這並不是M君喜愛的口味#-o,其實我也覺得平平
第七站 : 燈籠滷味
這檔口十分熱鬧,自己揀好食物後去付款,然後店員會放你兜食物去,所以十分熱辣辣,但夏天來說實在食到成頭大汗

第八站 : 師園
叫了鹽酥雞和魷魚,魷魚韌到食唔到,唯有淨食鹽酥雞,但又啖而無味
第九站 : 飲品
食咗咁多熱野,係時間解下渴,係夏天來說飲品是無敵
當行去捷運站時,途中遇到檔口賣一份份的生果,已砌好包裝埋咁方便就買了2盒
第十站 : 西瓜

6 則留言:

  1. 師大夜市好多食物你地都中伏wo...
    下次去夜市我會選擇外帶返酒店食

    回覆刪除
    回覆
    1. 師大的確有點失望, 相信冬天現場即食會合當些, 夏天真是食到成頭汗, 第3晚我地就是買回酒店食 ^^

      刪除
  2. 芭樂汁好吸引,因為我好喜歡石榴的香味,但對我嚟講應該唔夠甜

    回覆刪除
    回覆
    1. 完全講中, 台灣芭樂汁係唔夠甜, 唔通係香港人食慣甜野 :D

      刪除
    2. 我諗香港人都飲得甜嘅,好似茶餐廳啲凍檸茶其實都幾甜的,但有啲人要少甜、有啲人(我地)就覺得咁甜先啱飲

      刪除
    3. 我更愛吃甜品, 女士特徵掛:P

      刪除