2014年北海道+東京の雪旅 (Day 9 : 返港日 )

Day 9 : 8-Feb-14 (六) 年初九
今早一起身開電話時就有whatsapp，是網友通知話東京大風雪，吓! 咁得人驚 ，即刻打開窗簾看看，仲以為自己係北海道，昨日還天晴，今日變了大風雪，心裡都有點怕影響航班，但都無計啦，都要照出機場看看環境，希望順利能安全起飛

 

攞住重重的行李預備搭車去機場時，就再次感受到呢間 上野きぬやホテル真是好近好方便，難得回程攞住重行李都唔覺辛苦，以往是出汗架

 

原本打算搭7:36的skyliner前往成田空港，但去到見寫住FULL，OMG! 無諗過會FULL，所以無預購，無位就唯有下一班啦，正當M君去買票時，售票員又話有位喎，咁當然好啦，原來是分開坐，沒有連座，最終都按計劃搭7:36這班車

 國泰航空 CX501 【10:35 (成田空港) → 15:00 (HK)】

去到機場快快睇下有無得check in，好彩都能如常辦理，暫無受大風雪影響，我倆便慢慢去搵地方食早餐，結果去了和幸

紅米奇的早餐

M君的早餐

夠鐘登機了，其實外面的天氣真是不太好，成機人都坐定定了，都遲遲還未起飛，機長終於開廣播通知乘客因機身大量積雪，需清理才能安全起飛，因此大家都好有耐性地等，我更加額外多一項體驗，第一次睇到如何清理機身積雪，而且係跑道正排隊等候起飛，所以按原定時間足足遲了一小時才可以安全起飛，但大家都沒有不滿，就算被困機艙都沒有人嘈過，很合作地等

其實今次能起飛已經很幸運，很多航班延遲或取消，尤其是下午機是取消，以往我地就一定訂下午機回港，咁就一定被取消影響，今次因換免費機票訂不到下午機才搭早機回港，所以今次早機反而是好彩

順利安全到港