多多表情

2014年5月21日 星期三

2014年北海道+東京の雪旅 (Day 6 : 札幌)

Day 6 : 5-Feb-14 (三年初六
今早的天氣確不錯,所以係層雲朝陽リゾートホテ食完個早晨後就行出去影下酒店外觀




由於酒店提供返札幌的shuttle bus是9:40,同時昨日一落巴士又落雪又天色氛暗,都沒有影『層雲峽溫泉』這個地標,所以趁仲有時間就拿拿臨行翻去影

酒店有免費車送回札幌就是我選擇住它的主要原因,真的又慳一大筆車費,直接到達又唔洗煩,上車後可以又大覺瞓

酒店開出(9:40)→札幌(14:45)
都不算太多人搭呢班車,我地又可以坐到前頭位置

酒店職員都有禮地同車上各住客揮手鞠躬再見

之前買的薯片都未食,現最好不過係巴士上解決咗佢啦,easy job無難道
同時邊會少得飲罐粟米湯
由於返札幌路途遙遠所以中途都安排了午飯時間,大家下車後各自搵食,不過我發覺只有我和M君是真正坐低在食店食野,其他人好似都在附近的舖睇下野,買些小食等等,甚至我見到有個家庭組合是取各款試食品來作午餐

M君呢個又幾好味,是羊肉

我就食味噌拉麵
飯後點都要整翻個甜品才叫完滿的一餐,我就買了一個上車食

終於到達札幌了,久違的札幌一點也不陌生,今晚入住的酒店是リッチモンドホテル札幌駅前,是一間我很意外book到算平的酒店,因咁鬼叫咁啱又撞正札幌雪祭,搞到D酒店價錢貴到飛起,有日在港上網望望價錢搵酒店,又比我見到¥7500可以住Twins Room,好平呀,位置又不差,仲唔馬上即book咩,第2日我再睇已沒有此價錢的plan,此房價需要¥2XXXX才book到,所以真係好好彩可以雪祭期間book到平房

Hotel : リッチモンドホテル札幌駅前
Price :  ¥7,500 (Twins Room)Jalan book



N年前第一次食過札幌根室花まる覺得又平又正,以平民價可以食到中等級數,絕對是物超所值,其後亦有再光顧,不過已不是次次物超所值了,今次又再來一次看看是否已不及當年,算是一種情意結吧!
模式與以往一樣,自己寫簿登記名和人數,按次序坐在凳上排隊等安排入座
結果味道不用多講了,見我地食得咁少就知咩事,只好留下N年前第一次美好的回憶,打後的忘記它吧







26 則留言:

  1. 點解 order No.1 拉麵,嚟到會邊咗飯?

    回覆刪除
  2. 雪祭期間o的房真係又貴又難 book 的,一般都要過萬三四,¥7500 可以住 Twins Room 的確好幸運,而且另一張床可以放戰利品,哈哈 ~
    其實我地時常都會 encore 去返某o的景點行下、餐廳食下野咁,有時都未必一定係因為特別好行或者好食,只係想搵返當日的感覺及回憶罷了

    回覆刪除
    回覆
    1. 今次旅程所有住宿都不貴, 不過最訂到呢間份外開心, 雪祭超抵
      一言驚醒夢中人, 真是那種回憶及經歷不是用金錢價值能比得上, 第一次去日本食個漢堡飽都開心過人 :D

      刪除
    2. 第一次去日本果種新奇同興奮真係好難忘,好似大鄉里出城咁,當時的心情仍然記憶猶新

      刪除
    3. 大鄉里得黎又好開心, 我仲想繼續大鄉里

      刪除
  3. 雪祭期間book房真是慘過打扙, 你用這個價位 book 到 Richmond 真是好好彩.

    幸好我們這次沒有去根室花丸, 否則可能也是同一命運

    回覆刪除
    回覆
    1. 我諗我地現在把根室花丸只好記住初次光顧的那種感覺, 而且睇怕我都尤排唔會再訪札幌了

      刪除
  4. 我本來都想去, 但晚上8:30了還要等兩小時, 所以放棄.

    回覆刪除
    回覆
    1. 等2小時更加唔值, 放棄都無損失, 如真的想試, 建議早上等開門食, 早上比晚上好少少, 不過呢間野真是無時無刻都等位, 咁多年都無變

      刪除
    2. 唔知點解我每次去大丸經過門口都係無人, 而且裡面都係坐一半客.
      可能係農曆年呀, 雪祭呀, Long weekend, GW 先會咁多人o者

      刪除
    3. 唔係喎, 我好多次12月尾去時都係咁多人, 前年終終忍唔住買外賣, 不過唔係幾好食, 當時仲以為外賣比較差d....

      刪除
    4. 應該係唔想去食就會有位, 越想食就越等得耐.

      我經過的時間應該唔係 Lunch / Dinner

      刪除
    5. 我都試過lunch or tea or dinner time 以外時間食, 一樣要排, 排得不算耐, 不過以後排呢間就無我份了

      刪除
  5. 其實由層雲峽坐巴士回札幌要幾耐? 層雲峽始終都未去過....

    回覆刪除
    回覆
    1. 乜你咁唔留心架....
      酒店開出(9:40)→札幌(14:45)

      刪除
    2. 係喎 無睇清楚添......
      都好遠喎..

      刪除
    3. 冬天的話, 去過一次已經怕怕.... 又大風又凍

      刪除
    4. 計落約5個鐘, 但當中有休息食飯時間
      好多人都話變雪條, 凍到飛起, 但我去那日可能好彩沒有大風大雪, 雖然係凍小小, 但幸好頂得住有餘, 不過我都對層雲峽的興趣不大, 就總叫去過吧

      刪除
  6. 成架車其他人一定喺後面話你地咁大食 :)

    根室花丸我覺得 ok 吖
    咁嘅價錢我收貨喇

    回覆刪除
    回覆
    1. 慘得過我地又食得落呀, 哈哈! :P
      之前果次都覺得咁嘅價錢都收貨, 所以今次再食, 可能食運啱啱行開咗

      刪除
  7. 你唔覺得砂川嗰個中途站好多野shop咩 >.^....停留時間又唔長,如果坐低食飯就要犧牲shop平,都唔駛點諗我已經堅決定買上車食!

    回覆刪除
    回覆
    1. 覺呀, 所以我咪爭取時間揀咗食乜之後就行出去睇一陣野, M君坐係到等:P, 我入翻去啱啱碗麵就黎到, 食完之後都有少許時間再快快手逛一下, 不過我又唔係好買到野, 家中開始無乜位放了

      刪除
    2. 雖然好多野行,但我都無錯過吃飯時間

      刪除
    3. 都好, 原來都有人同我一樣 :D

      刪除