多多表情

2014年4月2日 星期三

2014年北海道+東京の雪旅 (Day 4 : 十勝帶廣 / 宿 :十勝川温泉観月苑)

Day 4 : 3-Feb-14 (一年初四
一早起床浸一轉後就去食早餐
見盒阿寒啫喱幾得意攞黎食下先,早餐也不忘食甜品呢

今早會搭酒店提供的免費巴士去帶廣,今次旅程除了免費機票可慳一大筆之外,係交通上我也唔放過,盡用免費車,眾所周知車費不便宜,所以真是慳唔少

阿寒花ゆう香 (9:30) → 帶廣駅 (12:45)
在巴士上不可缺少的東西,飲品也
不知不覺已到達帶廣駅,時間比預期快,一講到帶廣就會想起豚丼,之前第一次食豚丼反而在釧路駅內小店,一食難忘,不過今次去釧路時發現此店已消失,既然今次來到帶廣,一定要食啦
由於打算3點幾才會搭免費巴士去十勝觀月苑,所以第一件事要放行李在Locker,但可惜係JR駅內的大LockerFull OMG 點算? 其實當時咁啱有pair香港人正執緊野放大Locker,起初以為是取走,可惜他們都是放行李,我就唯有企埋一邊等下有無人取走行李而騰出大Locker,而M君就去搵下有無其他地方可放行李

我見M君仲未返都知機會渺茫,我便走去搵M君睇下點,最後我與M君齊齊行回Locker處,此時那pair香港人走出來示以有人取了行李,噢! 真好彩,終於有Locker
放好個喼後第2件事就是去巴士待合所取定免費車票,這是泊宿者限定的無料巴士,入住指定的旅館均可免費乘搭,當然取免費車票時要出示入住酒店的booking
我倆選擇了15:26的班次,『バス乘車劵』是落車時放入錢箱中,而到達入住酒店後,酒店職員會收回那張『宿泊施設確認用』
搞掂埋免費車票後,就開始搵豚丼來食,徒步周圍逛之後,最後都是揀了最近駅的豚丼のぶたはげ

好期待的帶廣名物啊,我揀了四牧的豚丼(¥890),果然無令我失望,還比當年第一次食的更好味,一個字形容『得』,兩個字形容『美味』,三個字形容『大滿足』,四個字形容『我愛豚丼』,不過個人口味而已,愛吃的人自然明白

M君當然唔蝕底要6牧的豚丼(¥1160)

除了名物豚丼外,去柳月六花亭好像是指定動作,2間都有經過,不過呢日先買柳月的產品作為今晚的宵夜,六花亭留待明日坐低才嘆件cake

可能帶有期望,但款式不算太吸引我,不過無話買唔到嘅,都係平常心好D

差不多時間巴士埋駅了,準備向十勝進發

帶廣駅北口(15:26) → 十勝觀月苑(15:57)
起初以為是旅遊巴果種,車底可放行李,但原來只是一般區間巴士,坐位不多,個喼唯有放在身旁,好彩我倆早已排定隊便有位坐,有些遲上車的人連企位都唔多空間,仲要顧埋個喼
16:00終於到達觀月苑Check in時順便取埋明日的免費車票返回帶廣

去咗日本咁多次,從未試過住客室付露天風呂,因為覺得貴,而且我倆都唔怕浸大浴場,但今次見價錢咁平,唔試下點得

Price :  ¥24,870 (2: 12) 和室露天風呂付客室と十勝和食会酒店website book



取房後例牌都鍾意外出行下,有溫泉街就更very good,可惜行了一大段路都是水靜河飛,唯有折返浸下浴把啦

18:00開始晚餐

服務員十分有禮,招呼周到,我倆還額外叫了2支可樂











食完飽飽的晚飯後,酒店有車接送去彩凛華會場,還每人給一張遊戲紙
到達會場後便行上展望台,剛巧是有音樂有故仔講解,我當然唔知講乜野,只是趁燈光轉變時影下相,當講完故仔我便返回地面,會場內在不同位置放了一個號數的印,而每張遊戲紙要求搵的號數有別,搵齊自己果張要求的號數蓋上印,收集齊之後就去抽獎




結果抽了最大路的明信片,係A獎就好啦,係十勝溫泉粉
繼而行下其他野影下相,都無乜特別就搭回接送車返酒店





是晚宵夜當然是今日係柳月買定的甜品
係釧路買的瓜終於今晚解決埋佢
今晚有木村上電視節目,感覺上他已老了不少,不過確實他也不是青年人


18 則留言:

  1. 又河豚又鮑魚喎! 咁抵?

    回覆刪除
    回覆
    1. 係幾抵, 就算有鮑魚都同你果D差一截 ^^

      刪除
    2. 一萬円一個人我都住唔少喎, 但係肯定無鮑魚o羅.
      抵唔抵同 price range 無關係架, 最緊要自己享受.

      刪除
    3. 對呀! 出去旅行最緊要是開心

      刪除
  2. 観月苑好像是沒有WiFi 的, 有試過嗎? 以前有Blogger 話観月苑唔多得, 睇你間風呂附25000唔駛, 抵啊!! 彩凛華會場都咁少雪. . . 小肥咁多次食豚丼都系[元祖], 口味問題 :D

    回覆刪除
    回覆
    1. Lobby 有wifi, 咁啱整個旅程我住的地方都有wifi, 就算房無, Lobby都會有
      咁得唔得好見仁見智, 2萬幾yen2個人唔會好有要求, 溫泉浸得舒服, 無乜人夠relax, 沒有一團又一團的人, 反而個人對十勝這區興趣不太, 沒有再訪興趣就真.
      有豚丼食就得, 元祖我都啱架, 我喜歡豚丼烹調的手法, 仲有果D汁好味到呢, 講起又想食

      刪除
  3. 呢日既行程基本上只係酒店轉酒店,唔洗點諗,夠晒舒服呀,哈哈 ~
    「大雪山」甜品以前o係 JR 上買過o黎食,但係就冇留意原來係柳月的出品呢 !

    回覆刪除
    回覆
    1. 講中晒, 我真係無乜點諗行程, 最多是計劃下點樣善用免費車 :))
      柳月的產品好多處都見到有得買, 平時我都沒有特別留意

      刪除
  4. 呢個價錢有客室付露天風呂好抵, 我同你相反, 有機會都會再去十勝, 十勝的モール温泉浸完真係好滑....
    我試過2次係車站都好易揾到大locker 喎! 可能你去時比較多人......

    回覆刪除
  5. 我以往都好少話 full locker, 不過好彩最後都有
    講起浸得滑, 我覺得下呂滑D, 一講到滑女士們特別喜愛呢 :D

    回覆刪除
    回覆
    1. 下呂未試過喎, 可能三大名泉之一會特別滑..

      刪除
    2. 同出唔出名無關, 留意高 pH 值同低張性.

      刪除
  6. 有少少懷念舊年食過碗豚丼⋯⋯家陣日本發緊豬瘟,但暫時北海道無事http://youtu.be/EZVbf42dR6Q

    回覆刪除
    回覆
    1. 發豬瘟, Oh...真係無留意呢件事 , 乜咁搞發, 以前牛, 而家豬 :(

      刪除
  7. 個私家風呂ok嗎? 冬天應該無昆蟲掛?

    回覆刪除
    回覆
    1. 一隻昆蟲都無呀, 第一次浸客室附風呂, 最正就是晨早半夢半醒就跳落去, 唔洗行上行落去浸, 不過我都有去大浴場, 貪心乜都浸下見識下
      個風呂細咗DD咁啦, 雖然都可以2人浸, 無乜轉身空間位 :P, 但咁平的價錢算係咁 :D

      刪除
  8. 你好,想請問一下預約十勝川温泉観月苑的問題,我從観月苑日文網站預約了一夜房間,之後就收到一個自動回覆的電郵,是不是観月苑已經確認了我的預約,到時出示email就可入住,謝謝

    回覆刪除
    回覆
    1. Hi! 電郵應該會有個予約編號, 有顯示泊宿者名稱及入住日期等等詳細資料, print out 此電郵帶去check in入住便可

      刪除