多多表情

2013年9月17日 星期二

中秋節の不一樣的月餅

話咁快又到中秋,今年收到的月餅絕對令我想出篇blog記錄下來:D,收到冰皮就好平常好普通,但今年一次過收到2盒價值不菲的月餅 ,一盒是令人驚嚇的嘉麟樓,驚嚇是貴到無朋友,炒價可達$500一盒,簡直驚嚇度爆燈 ,根本不是我這類平民會比錢買,但現在是唔洗錢咁又無所謂啦


其實早2年都收過嘉麟樓月餅,當時邊有炒得咁誇,味道算OK,但如用幾佰蚊去買,個人就覺得唔值了,不過其實某些人都是為了它的名氣而買,所以按每年名氣值增加,價錢亦自動升價 ,同樣地追隨者亦受落,照買也


講外型包裝絕不豪華,都很簡單,一盒8小個,無錯! 真是要用小來形容,size確實幾細個,我會形容它是一口月餅 ,由於之前已品嚐過,所以都沒有甚麼好奇它的味道,不過都十分多謝送給我的人,送如此高價值的禮給我



另一盒是Haagen-Dazs雪糕月餅 ,是第一次收到,如用會員價買都好似約$360一盒,嘩!又不是我這類平民會比錢買,同樣地現在是唔洗錢咁又無所謂啦

 


一盒有6個,但味道只有4款,士多啤梨味2個,雲呢嗱味1個,朱古力味2個,野莓味1個


我對傳統中式月餅的興趣真不大,但應下節食翻個名稱叫月餅,其實只是雪糕而已又唔錯吖,而且又唔洗錢,有雪糕食不知幾開心呢


 

 


講起取此雪糕月餅就誇了,可能取餅處只得幾處,怪不知取餅時是人山人海囉,我是星期六下午去淘大取,條人龍應該有三四幾十人,有途人經過時我聽到他們話係咪唔洗錢有野派



6 則留言:

  1. 嘿,果然系朋友多!讚!月餅,小肥鍾意揾D舊嘢搞,今年系五仁。。。哈哈哈

    回覆刪除
    回覆
    1. 五仁...我至怕 hehe.......
      傳統野頂龍都係一次過食1/4個雙黃白蓮蓉, 雪糕月餅就一次一個, 哈哈哈

      刪除
  2. 嘉麟樓小臣也收到一盒,也是吃過就算.好似哈根達斯吸引D.

    回覆刪除
    回覆
    1. 今年的嘉麟樓好似已經與早2年的味道有差別,出名咗又貴咗但質素下降咗,聽聞師傅過咗隔離酒店
      哈根達斯任何時間都吸引D, 所以決定中秋正日要留翻一個哈記雪糕月餅應節食^^

      刪除
  3. >士多啤梨味2個,雲呢嗱味1個,朱古力味2個,野莓味2個
    加埋有7個喎~

    今年想食陳皮紅豆沙月餅
    好似幾好味咁~

    回覆刪除
  4. 哈哈, 乜你心水咁清, 2+1+2+2 = 7 XD
    好彩我唔係食緊野睇你的留言, 否則即噴, 笑死了
    你啱, 係野莓味得1個, 可能係我腦內想要2個 :P

    回覆刪除