2016年2月九州の旅 (Day 8 : 吉祥寺、下北沢、JINS)

Day 8 : 11-Feb-16(四)

今日第一站行程是吉祥寺，首先目的是美登利食壽司做早餐

11點才營業，我倆9:50已抵達，但現場已人山人海，有部機放在門口自助取票輪侯，我倆籌號是34，唔嘩一聲都唔得

開始營業時順編號安排入座，但很可惜輪唔到我倆，唯有等第2輪，早成個鐘去到都食唔到頭輪啊

好彩當時日本人光顧多，所以他們都是食完就走那種，再等約40分鐘就到我倆了，聽聞過美登利是不錯的壽司店，今次卻是第一次光顧，結果我都覺得唔錯，好彩等咁耐無中伏

食飽後馬上又做一樣我係日本未試過的事，正是配眼鏡也，去了JINS配，可惜留日時間唔夠長，否則最想配一副備有自動變色鏡片，不需額外戴太陽眼鏡呢，但要配此類鏡需時7-10天，那麼今次唯有只配近視鏡吧

吉祥寺這間JINS是比較大，所以選擇款式亦會比較多

雖然鏡框不是made in Japan，但個人覺得質感都不錯，再看看價錢簡直超值，很後悔點解唔一早係日本配眼鏡，要係香港捱咁多年貴貨，現場睇啱就試戴下，終於揀好一副，M君又話咁平配多副啦，當換款戴都好，所以最初諗住配一副變了2副了

揀好2副框後交給店員，他即時會取新貨，問我是否需要驗眼，我當然要驗下啦，然後上2樓取飛仔等驗眼，好彩我那時人不多，很快就到我

基本上都是那些驗眼過程，之前都擔心溝通唔到，怕要睇日文子要讀出來，而自己又不懂日文咁又點讀呢，所以就要M君在旁跟住我，諗住到時我看到乜就講比M君聽，他盡量幫我講，點知問題沒有出現過，因為不用讀字，首先電腦測試驗眼，之後每個過程都有張紙給我手指指來示以我在電腦睇到乜，遂一手指指，哈哈哈!咁就完成驗眼了，店員同時都會取我原本戴的眼鏡來看看度數

驗好眼後亦有副鏡比我試戴看看舒不舒服，有無太深或太淺，經試戴3副後就揀咗其中一副的度數，點知此度數的鏡片無現貨在店，要7日後取，晴天霹靂呀! 點解咁架，我後日離開日本喎，既然呢個無貨，我又再三試多次另外2副鏡片，最後揀另一副就有貨了，而且我又覺得無問題，最終配到了，講真試戴那3副我真的不覺有大分別，這次配眼鏡經歷很滿意，付款後約40分鐘就可以取了，真是平靚正，2副價錢分別是¥6013 和 ¥8048，已是連稅及框連鏡的價錢

係吉祥寺等40分鐘簡直話咁易啦，逛逛下又行到去下圖呢間賣章魚丸舖，每次經過都必幫襯的，今次當然唔例外

係日本都要食上海名物，又幾好食喎

取完眼鏡後又順道行去井の頭公園，但...點解嘅，點解個湖變成拱，原來當時維修，整個樣貌變晒但一樣人山人海

離開吉祥寺後就去了下北沢，純逛逛而已

M君都算有少少收穫買了衫褲，我的收穫就是買了一件cake

返回上野時就是晚餐時間，我倆決定要食sukiyaki，所以係上野光顧了這間鉢の木

我倆叫了2個set，分別是國產霜降牛(¥2300)和特選霜降A5牛(¥3800)

店舖很有趣的是將隻蛋是整到全白泡

味道都唔錯所以追加了國產霜降牛(¥1700)

當然每晚夜宵少不了