多多表情

2010年7月7日 星期三

2010年2月東北尋冰覓湯の旅 (Day 10~山形)

 
Day 10 :  21-Feb-10 (日)
 
酒店 : 銀山溫泉瀧見舘 
房價 :  ¥32,200/ 和室【經楽天book】 
 
資料網
大石田→銀山溫泉bus time table (但我不需搭此巴士,因瀧見舘 有免費送迎)

乘車紀錄
(1) 藏王溫泉駅 (09:40)【山交bus】→ JR山形 (10:25) 980
(2) JR山形 (13:02)【新幹線つばさ(TSUBASA)】→ JR大石田 (13:31)JR全日本Pass

以下行程發生時間由07:30至14:25

起初本應諗住plan藏王會上2次山頂睇樹冰的,一次是黃昏時亮燈的樹冰,另一次是早上的樹冰,想睇晒日與夜的樹怪,聽聞清早天氣好的話,朝早上山頂睇樹冰係唔錯的,不過呢朝突然決定都是不再上山頂了,雖然呢朝天氣真是不差,相信樹冰大哥呢次一定好精神奕奕列隊,但諗深一層,雖然昨日天氣不佳而睇得樹冰大哥無咁壯觀,但都叫親歷其境吖,而今早又無好強烈感覺想睇喎,又可以慳翻纜車費,咁就不如早點去銀山溫泉把啦,唔好要阿信………公仔等我咁耐
浸完溫泉和食完早餐後就馬上搭酒店的送迎車去藏王巴士站,即時買埋車票返回山形
 



巴士站十分熱鬧,去到已有不少人開始排隊等巴士,好彩我地預早黎咋,仲唔拿拿聲排隊咩,搭唔到呢班就要等下一班,最慘係一個鐘一班啊,我地呢班是09:40開出,可能職員見咁多人排隊,架車一定爆,所以就開始比人上車,此刻有一家3口的港人就係咁而出事了,出咩事? 就是老婆發揮了港人精神,爭分奪秒,走左去買手信,最後我地都上左車,成車已滿人,巴士便開出了,她就是諗住善用數分鐘時間就反而要搭遲一個鐘的下班車,這只是我見到一個別人的經歷,不過奉勸大家小心處理時間,有時日本巴士都會早開架

10:16便到達山形站,咁早返到山形有咩搞呢? 我就去JR綠色窗口換指定席票 ... 山形(13:02)→大石田(13:31),而M君就去案內所搵職員協助致電瀧見舘 通知更改迎接我地的時間,由15:45改為13:45(提早了時間),最後都成功改左迎接時間,可以早D到銀山温泉,否則我地可能要考慮係大石田搭巴士直達銀山溫泉了,好彩改到迎接時間咁就可以又慳翻
搞完正經野之後就做d仲正經的事,就是逛街,見到有座山交ビル,原來呢間山交ビル好好行架,因為有我甚喜歡行的超市和葯局,仲有大大間的100yen shop,還有其他店舖,結果係山交ビル大約行左一小時左右


呢間超市都幾大,當行到甜品區時就被吸引住了,好多選擇呢,其實好多樣都想試架,可惜肚皮有限#-o,最後買左兩個La France布丁,另外M君買多一個布丁大福tim 我地買左呢d甜品後,諗住搵張凳坐低慢慢歎,點知搵極都搵唔到凳,最後見到條無乜人行的樓梯就決定坐樓梯食啦:evil4:,果杯La France布丁好味呀,山形縣名物之一是La France(ラ.フランス):thumbup:,雖然今次旅程買不到La France梨,但製成品就隨處可見,當M君食佢個布丁大福時,我忍不住咬了一啖,又真係幾好食,布丁大福的質感很有趣,成功之作!!! :thumbright:奇怪的我倆居然正餐都未食就反而食甜品先:imslow:,只怪日本美食太多,所以對我地來說是沒有食野時間的定律:laughing9:
係準備搭新幹線去大石田之前,當然要食個lunch啦,雖然在港已預早搵定食乜,但呢刻又想周圍睇下有咩心水選擇,結果見到有間ステーキ・アロワイヨー,好啦! 就決定食呢間,雖然後日都會去米沢食米沢牛,但食多一餐絕不會嫌多ge:laughing6:
不過坐低睇餐牌後,我就決定食藏王牛扒套餐
M君就食芝士米沢牛漢堡扒,加¥200可變為套餐
! 有無咁好味呀,乜解究日本d乜牛物牛都咁好食,總是很少令人失望,只會有驚喜:hello1:,佐賀牛、神戶牛、松板牛、米沢牛多的是出名好味,但曾食過九州的豐後牛卻是出乎意料之外的好味:thumbup:,今次又遇到山形牛和藏王牛,實在太感動,都話沒有懷住期望的要求,反而往往更有驚喜呢

Feel唔Feel到有幾好食呢:laughing6:,我不會論它是否一級類別,只要令我留下美味的回憶就夠,好食就得


M君的芝士米沢牛漢堡扒都不錯:thumbup:,要品嚐多一次的米沢牛,2日後便可再達心願,呢轉當rehearsal


 
食飽lunch後,馬上就返回JR山形駅預備搭新幹線つばさ(TSUBASA)JR大石田



一向鍾意買車仔的我點會放過任何機會呢,呢一系列的新幹線車仔係每架新幹線列車中都有得買,但不是一定有貨架,有時會賣晒,所以每搭一次新幹線我都會問有無貨
終於13:31就到左JR大石田,天氣十分之好,駅外還有架用雪砌成的JR,冬天係日本真是隨處可見用雪砌成的東西
不久就見到瀧見舘 的送迎專車,原來都不少人係搭呢個時間的送迎專車,呢架車全是日本人,得我地兩個係外地人,全車滿座呢,對齊人名就準時13:45就開出了
行駛沿途中,司機叔叔還會間中介紹下風景,雖然我唔知司機叔叔講乜:frustrated:,但見到其他人個頭全部望左邊時,我咪又跟住人地望左邊:laughing6:,情形都幾搞笑,突然覺得似跟左旅行團,不過沿途風景真是很美
距離銀行溫泉越來越近了......

是日搜羅的蓋印





沒有留言:

張貼留言